نجوى إبراهيم: «لو مش فاضي أو مسافر ودي ابوك وأمك دار مسنين»

عبرت  الإعلامية نجوى ابراهيم عن رأيها في موضوع وضع الأبناء للأباء دار مسنين  بسبب انشغالهما، واوضحت أن الأمر له ايجابيات في حالة واحدة فقط.

وقالت نجوى ابراهيم خلال برنامجها بيت العز المذاع عبر محطة نجوم اف إم: «ساعة نقول هنشاهد اليوتيوب، ونلاقي الناس مطلعه فيديوهات شاهد فلان ادخل والدته دار المسنين، موضوع علاقتنا بدار المسنين ممكن يكون ايجابي جدا، انت أو انتي مش فاضيين مسافرين أو عندكم شغل، ووالدتك مش لاقية حد يتكلم معاها فتودوها دار المسنين، أو حتى لو تعبانة هيكون معاها ممرضة وأيضًا ونس صديقة في المكان».

وأضافت: «لكن لو انت قادر إنك تاخد مامتك في حضنك وتبقى جنبك، لان كل دقيقة هي جنبك وانت حاسس بيها وبتتنفس انت مالك الدنيا كلها، الحاجات دي مهمة جدا، تندموا حيث لا ينفع الندم، انا لا جايه انكد ولا أشعلل النفوس، أهم حاجة التعامل».