أحمد الميرغني عن رحيل أحمد شوبير: شمتان وفرحان فيك يا شوبير أنا قعدت 9 سنين مستني اللحظة دي

تحدث أحمد الميرغني نجم الزمالك السابق، عن قرار رحيل الإعلامي أحمد شوبير من قناة أون تايم سبورتس بالشركة المتحدة. 

وقال الميرغني:" من ساعة ما عرفت خبر رحيل شوبير تيلفوني مبطلش رنات ورسائل، والناس بتتصل بيا وفرحانة وبتباركلي وبيقوليلي إن حقك رجع". 

وأضاف عبر صفحته على موقع التواصل الاجتماعي "فيس بوك":" أنا بقالي 9 سنين مستني أعايش اللحظة دي 
كنت فاكر إنك اللحظة دي لما تيجي هفرح وانبسط لكن مشاعري دلوقتي مش عارف مالها". 

وتابع:" ربنا كبير واسمه  العدل يمهل ولا يهمل أنا عشت 9 سنين مش عارف أعمل أي حاجة، وأنا تأثرت إني مهنتي في الكرة خلص وباظ وأدمر خالص وكمان أتاثرت ماديًا لإن وأنت بتلعب كورة حاجة وأنت مبطل حاجة تانية 

واستكمل:" أتاثرت مع أسرتي مع زوجتي وعيالي لإن لو كنت بلعب كرة كان الدنيا هتكون مع عيالي وأسرتي أحلى بكتير، ومحدش بيقولي متفرحش ومتشمتش لا أنا أسف لإني فرحان وشمتان كمان". 

وواصل:" شوبير كان بيقول عليا إني أخواني ربنا ربنا سترها عليا لإن كان ليا صور في ثورة 30 يونيو، وكان بيقول إن كنت بيبت في ميدان رابعة العدوية وبمول الإخوان.. دا كان عايز يقضي عليا خالص". 

واختتم:" فرحتي مش هتكمل غير لما شوبير يتحاكم ويتحاسب على كل الناس اللي اتظلمت منه".