باسم مرسي يفجرها: لاعيبة بتفوت أجوال بسبب المراهنات.. والمبادئ ضاعت بعد ضم إمام عاشور وكابتن الأهلي عيط بسبب خوفه من الزمالك وجمهورهم مبيحبنيش لهذا السبب

اعترف باسم مرسي مهاجم الإسماعيلي الحالي والزمالك السابق بوجود المراهنات في الدوري المصري.

 باسم مرسي: الكرة في مصر ليست الأفضل

قال باسم مرسي في بودكاست من الجول للجول مع الإعلامية دينا الإدريسي: «الكرة في مصر ليست الأفضل، اللاعبون هم الأكثر تعرضا للأذى بسبب عدم انتظام جدول مسابقة الدوري المصري، نلعب 5أو 6 مباريات بشكل متتالي ثم نحصل على راحة لمدة شهر، وهذا الأمر سلبي بالنسبة لنا».

مراهنات في الكرة المصرية

وأضاف: «يوجد بالفعل مراهنات في الكرة المصرية، هناك اتفاقات مع لاعبين بأن يرتكبوا أخطاء في دقائق معينة ويحصلون على إنذار في أوقات معينة مقابل 20 ألف جنيه وهذا حدث بالفعل وهناك لاعبين تُراهن في الدوري المصري، والمراهنات موجودة في كل الأندية هناك لاعبين في الدوري يتم عرض عليهم تلك الأمور».

واختتم: «في لاعيبة بيتقالها خد إنذار في الدقيقة 30 هديك 10 آلاف أو 15 ألف جنيه وفي لاعيبة بتفوت أجوال وحصل من بعض اللاعيبة في أندية كتيرة».

 باسم مرسي: جمهور الأهلي مبيحبنيش عشان بعلم عليه

رد باسم مرسي لاعب الإسماعيلي الحالي والزمالك سابقا على كونه لاعب الموسم الواحد مشددا على أنه أظهر تألقه في الزمالك على مدار 3 سنوات.

كما قال باسم مرسي: «لعبت 4 سنين في الزمالك 3 منهم أنا هداف الزمالك في كل البطولات، ازاي أبقى لاعب موسم واحد بس؟ أنا جايب 53 جول مع الزمالك، وده رقم كبير، والسنة الرابعة بس هي السنة الوحيدة اللي أنا كنت وحش فيها بسبب الإصابة».

وعن استفزاز جماهير الأهلي خلال فترة وجوده بالزمالك قال: «بعض جمهور الأهلي مبيحبنيش عشان أنا دايما بجيب فيهم أجوال محدش بيكره واحد فاشل ومحدش بيكره حد ملوش قيمة، بالبلدي كدة باسم ده بيعلم علينا على طول هو جمهور الأهلي كدة، جبت أجوال كتيرة فيه وجبت بطولات منه». 

واختتم: «لاعيبة الأهلي زيها زي أي لاعيبة والنادي الأهلي زي أي نادي، أنا مبعملش حساب لتيشيرت الأهلي، لاعيبة الأهلي عادية جدا، لكن تيشيرت الأهلي بيمنحه طاقة لكنه لاعب عادي جدا».

باسم مرسي:كابتن الأهلي عيط بسبب خوفه من الزمالك

أكد باسم مرسي مهاجم الإسماعيلي الحالي والزمالك سابقا أنه كان يشعر بالحزن عند رحيل مرتضى منصور عن رئاسة نادي الزمالك.

وقال باسم مرسي: «زعلت على رحيل مرتضى منصور عن الزمالك بعد النجاحات اللي حققها الراجل ده عمل حاجات كويسة للزمالك». 
وسرد باسم مرسي كواليس مباراة السوبر المصري مع الأهلي في الإمارات والتي انتهت لصالح الأهلي بثلاثة أهداف مقابل هدفين: «لاعيبة من الأهلي قالتلي إن من كتر الضغط ومن كتر قوة الزمالك في الماتش ده كابتن الأهلي وقتها عيط في المحاضرة وقالهم لازم نكسب الماتش ده من كتر ما الزمالك كان قوي».

باسم مرسي: رمضان صبحي مظلوم من الإعلام الأهلاوي.. ومبادئ الأهلي ضاعت بعد ضم إمام عاشور

قال باسم مرسي لاعب الإسماعيلي الحالي والزمالك سابقا إن رمضان صبحي لاعب بيراميدز مظلوم بسبب الإعلام الذي ينتمي للنادي الأهلي.

وقال باسم مرسي: «رمضان صبحي متسرعش عندما رحل عن الأهلي فهو شعر بقلة تقدير عندما قالوا له ساعة وفكر ثم رد علينا» 
وأضاف: «أرقام رمضان مع بيراميدز أحسن من أرقام رمضان مع الأهلي هو هياخد دوري مع بيراميدز لكن الإعلام الأهلاوي ظالم رمضان صبحي»
وعن مبادئ الأهلي بعد ضم إمام عاشور قال: «الموقف ده كشف الأهلي مفيش مبادئ مُطلقة والموقف ده مكانش عندهم مبادئ لكن في حاجات تانية ممكن يكون عندهم مبادئ».