ميسرة: بوسة عادل إمام حقيقية ومش ندمانة عليها وفيلم المذنبون سينما نظيفة

 قالت الفنانة ميسرة: "بوسة الزعيم عادل إمام في فيلم بوبوس، كانت حقيقية ومش ندمانة عليها، ومش فاهمة يعني إيه سينما نظيفة".

سينما بدون ابتذال في عيون ميسرة

وتابعت الفنانة ميسرة خلال لقائها ببرنامج "شاي بالياسمين" الذي تقدمه ياسمين الخطيب بقناة "النهار": "ممكن تكون السينما بدون ابتذال بس مفيش حاجة اسمها نظيفة".

ولفتت: "فيه فيلم جريء جدًّا في السبعينيات للفنانة سهير رمزي اسمه المذنبون قصة الأديب الكبير نجيب محفوظ، وكل ثلاثة أرباع أحداث الفيلم تدور في شقة ليها علاقات مشبوهة وبنشوف القيادات اللي موجودة عندها فنفهم إزاي المجتمع ده فاسد إزاي ويدار ازاي، وفيه مشاهد جريئة كتيرة ولكن مش معنى كده إنها مبتذلة لكنها تدور حول قصة معينة واعتبر العمل سينما نظيفة".

وأكملت: "فيلم ثرثرة فوق النيل سينما نظيفة رغم أنه يحمل مشاهد جريئة ولكن ضمن قصة ومضمون، المهم الموضوع إيه وما جابش مشاهد إغراء أو جنس علشان أنا عايزة أعمل مشاهدة ولكن لازم تبقى في سياق حدوتة".