أنا الوحيد المستفيد.. أحمد سعد يكشف سبب انفصاله عن علياء بسيوني لأول مرة

كشف الفنان أحمد سعد لأول مرة سبب انفصاله عن زوجته علياء بسيوني، وذلك خلال لقاء ببرنامج «سولد أوت»، مع الإعلامي محمود سعد على قناة «سي بي سي».

وقال أحمد سعد:«أي راجل نجاح أو فاشل، كانت هناك ست تقف خلفه، وعلياء عندها تارجت لازم تحققه، القدرة لو تحولت إلى زن على الراجل بيحصل مشكلة».

وأكمل: «زوجتي عندها صبر مهول، وعند كل الستات، لكن استخدامه ساعات بيكون في النكد والزن».

أحمد سعد يكشف سبب انفصاله عن علياء بسيوني 

وأشار أحمد سعد إلى أن اختياراته فيما يتعلق بالمرأة كانت غريبة جدًا، موضحًا: «لكن أنا عندي مهم أوي لما بلاقي نفسي في حتة وحشة بختار الشخص اللي أسند عليه وأسلم له دماغي يقرر لي كل حاجة، لكن ده بمزاجي، كنت سياب لها تعمل كل حاجة وتقرر كل حاجة، وهي ساندتني كتير جدًا وساعدتني في كل حاجة حلوة».

وتابع: «اللي حصل بعد كده بينا، إن الشغل بدأ يزيد وياخد من حياتنا الأسرية»، مشيرًا إلى موضوع طلاقه ليس علاقة بواقعة ابنته، وتركها وهي مصابة بكسر من أجل عمله.

وأكمل: «أنا حاولت أكثر من مرة الجهاد على حياتنا الأسرية، لو أنا أناني كنت كملت حياتي لأني أنا كنت المستفيد الوحيد».