سمير عثمان: « أنا كحكم كنت بسرح مع موهبة شيكابالا وربنا هيحاسبه»

قال الحكم السابق سمير محمود عثمان أنه كان يستمتع عندما يشاهد لمسات لاعب الزمالك محمود عبد الرازق “شيكابالا” في أرض الملعب موضحا أن شيكابالا “له طعم” في اللعب الخاص به و الطرق التي كان يلعب بها في المباريات موضحا أنه موهبة فريدة من الصعب تكرارها.

وأضاف “عثمان” في لقائه مع الإعلامي إسلام عزت عبر بودكاست “كارت أحمر” مثنيا على أداء نجم الزمالك “شيكابالا، انت ممكن كحكم تسرح مع لعبه ، أنا مش بهزر و الله شيكابالا ده ربنا هيحاسبه على الموهبة بتاعته”.

وعن سؤاله عن المباراة التي أخرجته عن تركيزه بسبب شيكابالا عندما كان حكم ساحة قال ” مباراة الزمالك و المصرى في برج العرب، أنا لسة بصفر راح شيكابالا جايب جول، شيكابالا لعيب فعلا”.

وفي ختام حديثه عن شيكابالا قال ” شيكابالا مش بيمثل، واللي يقولك إن شيكابالا بيمثل يبقي مبيفهمش كورة لإن اللي بيمثل ده القليل”.