ابنة نور الشريف توجه رسالة إلي منة شلبي بعد شرائها أضحية بـ اسم والدها

حرصت سارة ابنة الفنان الراحل نور الشريف، على توجيه الشكر للفنانة منة شلبي، بعد شرائها صك أضحية باسم والدها.

نشرت سارة نور الشريف صورة لـ إيصال صك الأضحية وصورة منة شلبي على حسابها الشخصي بموقع التواصل الاجتماعي الفيسبوك، معلقا عليها:«الحلوة منة شلبي كلمتني من فترة صغيرة وقالت لي إنها حلمت ببابي حبيبي الله يرحمه، وقالتلي إنها بإذن الله هتروح الحج وتتصدق للوالدى هناك».

وأضافت سارة نور الشريف:«والحلوة من جوه قبل بره وفيت باللي قالت عليه، ومن يومين لقيتها بعتالي الصورة صك أضحية لبابي وكانت مفاجأة جميلة منها».

وتابعت سارة نور الشريف:«وفي نفس الليلة روحت لبيت بابي القديم في السيدة زينب وقلت له على اللي عملتيه يا منة، حبيبتي مش عارفة أقولك إيه لأنه مفيش كلام يوصف إحساسي باللي انتي عملتيه ربنا يكرمك ويسعدك دايماً ويطمن قلبك يا طيبة يا حلوة، بحبك جداً».

وجهت المخرجة منال الصيفى الشكر إلى النجمة منة شلبى بعدما قامت الأخيرة بشراء أضحية باسم زوجها الفنان الراحل أشرف مصيلحي وذلك بالتزامن مع حلول عيد الأضحى المبارك 2024.

وكتبت منال الصيفى على حسابها بموقع فيس بوك:«الحمد لله على وجود ناس في حياتي كل شوية بيقولولي إحنا معاكي وجنبك، بالرغم إني مش بشوفهم كتير، بس بيحسسوني بأمان كبير قوي، حقيقي الحمد لله  يا رب، الناس دي رزق ربنا باعتهولي علشان يطبطب عليا، وإنتي منهم ربنا يسعدك يا منة يا رب زي ما دخلتي في قلبي السعادة، أكيد أشرف حاسس بده دلوقتي شكراً يا غالية شكراً».