حلمي طولان يهاجم حسام حسن: «مبيعرفش يتكلم.. أين الفهم واللغة والثقافة؟» (فيديو)

شن حلمي طولان نجم الزمالك ومنتخب مصر السابق، هجومًا حادًا على حسام حسن، المدير الفني للمنتخب الوطني الأول لكرة القدم، قائلًا:  «فيه مدربين ما يعرفوش يتكلموا، وممكن نشوف منتخب مصر، وما حدث من تصريحات قبل تولي المسئولية».

وتابع خلال حواره ببرنامج "أرقام وأسواق" الذي يقدمه الإعلامي أحمد أبو طالب، على قناة "أزهري"، : «مدرب المنتخب الوطني يجيب أن يكون على أعلى مستوى علمي وثقافي ويعرف يتكلم لغة بشكل كبير».

وواصل:«مفيش حاجة أسمها فرحة الفوز.. دا مدرب منتخب مصر أكبر منتخب في المنطق ويجب أن يكون المدرب على قدر كبير من الفهم والعلم والثقافة والتحدث».

موعد مباراة منتخب مصر أمام غينيا بيساو

تنطلق مباراة مصر وغينيا بيساو غدًا الإثنين الموافق العاشر من يونيو الجاري في تمام السابعة مساء بتوقيت القاهرة.

ترتيب مجموعة مصر بعد الفوز على بوركينا فاسو

يحتل منتخب مصر صدارة جدول الترتيب برصيد 9 نقاط، بينما يحتل بوركينا فاسو المركز الثاني بجدول ترتيب المجموعة برصيد 4 نقاط، ويتذيل جيبوتي الترتيب دون نقاط.

ويتأهل متصدرو المجموعات مباشرة إلى نهائيات كأس العالم، فيما تشارك أفضل 4 منتخبات تحتل المركز الثاني بملحق فاصل.

وجاء الترتيب على النحو التالي:

1- منتخب مصر 9 نقاط

2- غينيا بيساو 5 نقاط

3- بوركينا فاسو 4 نقاط

4- سيراليون 4 نقاط

5- إثيوبيا نقطتان

6- جيبوتي بدون نقاط

«الناس مبقتش يضحك عليها».. تصريحات نارية من حلمي طولان ضد حسام حسن

وفي وقت سابق، شن المدرب حلمي طولان ، هجوماً على حسام حسن المدير الفني لمنتخب مصر الوطني ، بعد تقليله من لاعبي الدوري المصري في جلسته أمس مع الصحفيين .

وقال حلمي طولان في تصريحات لبرنامج حضرة المواطن عبر شاشة قناة الحدث اليوم تقديم الإعلامي سيد علي  : هل الكابتن حسام حسن مكنش عارف قماشة اللاعبين المصريين ووضع المنتخب الوطني قبل ما يكافح ويجند مصر كلها علشان يبقى مدرب المنتخب؟ أكيد كان عارف يعني.

وواصل : حسام حسن بقاله 15 سنة بيدرب الأندية مش عارف إمكانيات اللاعيبة دي؟ يعني دلوقتي معندناش لاعيبة، وقبل كده ايام كيروش كان يطلع ويقول عندنا احسن لاعيبة، ايه التناقض ده والناس مبقاش بينضحك عليها.

وأضاف : أنا فوجئت بالكابتن مدحت شلبي بيقول إن فيه بعض اللاعيبة المحترفة في منتخب مصر مش عايزة  تيجي المنتخب، زي محمد صلاح وعمر مرموش وأحمد حجازي، وبعدين هل لما اطلع أقول التصريح في صالح المنتخب وفي صالحي انا كمدير فني؟ حسام حسن بيهد أدواته وبيخلص علي أدواته نفسيا.

وشدد : بعد تصريحات حسام حسن مين اللاعيب اللي هيبقى عنده الثقة انه يلعب معاه؟ مين اللاعب اللي هيبقى عنده الثقة انه مقتنع به، المفترض هو اللي يعلي معنويات اللاعيبة مش يهدها ويخليها زيرو، انا محاربش أدواتي وانا شخصيا قدام الرأي العام والصحافة بقول علي لاعيبتي احسن لاعيبة في العالم وضروري احميهم واكبرهم واحافظ عليهم لإن هما السلاح اللي بحارب بيها.

وأتم : حسام حسن جانبه التوفيق والصواب، وانا طبعا زعلان جدا من تصريحاته ومينفعش المدير الفني يغفل الجانب النفسي مع لاعيبته، هو بيخسر اللاعيبة بالشكل ده.