«جمهور الزمالك أقل من الأهلي».. خالد طلعت يرد على ميدو بعد إحصائية الأكثر شعبية

نشر الناقد الرياضي خالد طلعت عبر حسابه الرسمي على مواقع التواصل الإجتماعي فيس بوك بوست يرد على أحمد حسام ميدو نجم نادي الزمالك ومنتخب مصر الأسبق والمحلل الفني الحالي لمجموعة قنوات أون تايم سبورتس 

وقال خالد طلعت:"اتفرجت امبارح على حلقة مهندس عدلي القيعي وميدو مع ابراهيم فايق
مش عارف ميدو معترض ليه على نسبة جمهور الزمالك لجمهور الأهلي !!
الموضوع مش محتاج احصائية ولا مؤسسات ، الموضوع واضح جدا للزملكاوية قبل الاهلاوية بس مش عارف ليه هما بينكروا ده
نسبة الاهلاوية من مشجعي الكورة تقريبا من 70 % الى 75 % ونسبة الزملكاوية من 25 % لـ 30 % 
شوفها كده على اي مكان ، فصل في مدرسة ، سيكشن في جامعه ، زمايل في شغل ، ناس على القهوة ، فنانين ، تقريبا كده هتلاقي كل 3 اهلاوية قدامهم 1 زملكاوي
الموضوع زي البطولات كده مينفعش حد ينكر ان الاهلي واخد الدوري تقريبا 3 اضعاف الزمالك وواخد بطولات افريقيا تقريبا ضعف الزمالك 
الارقام مينفعش حد ينكرها وكون جمهور الزمالك اقل من جمهور الاهلي ده مفيهوش اي اساءة او اهانة او تقليل منهم"

وصرح المهندس عدلي القيعي رئيس شركة كرة القدم بالنادي الأهلي مع الإعلامي إبراهيم فايق وبرنامج الكورة مع فايق على قناة mbc مصر 2

وقال القيعي:"الشعبية الكبيرة هي أساس ارتفاع عقود الرعاية التى يحصل عليها النادي الأهلي والرعاية فى الأهلي لها شروط و على هذا الأساس بيتم وضع الارقام التى يحصل عليها الأهلي"
وأضاف القيعي:"النادى الأهلي كل يوم بيجيله عقد رعاية جديد لانه النادي الأهلي وبطولاته وارقامه عامل جذب لأي مُعلن"
وواصل القيعي:"من العيب ان يتم سؤال هل الأهلي يستحق على هذه المبالغ الماليه لان المعلن اللى بيدفع عارف كويس أنه بيكسب من وراء الأهلي"
واختتم القيعي حديثه قائلا:"تم عمل إحصائية للأكثر شعبية و جاءت أن 75٪ من مشجعي الكرة المصرية أهلاوية ولاعبي الأهلي مطلوبين أكثر فى الإعلانات لأنهم فى النادي الأهلي"