بعد ما وزنها بالدهب السنة اللي فاتت.. حمو بيكا يهدي زوجته سيارة بـ 6 مليون جنيه في عيد ميلادها

أهدى مطرب المهرجانات حمو بيكا، زوجته شمس سيارة بورش بـ 6 ملايين جنيه احتفالا بعيد ميلادها، وذلك بحضور عدد كبير من نجوم الفن والأصدقاء والمقربين.

حمو بيكا يهاجم نور التوت

هاجم مؤدي المهرجانات الشعبية نور التوت، مؤدي المهرجانات حمو بيكا، حيث اتهمه بسرقة 200 ألف دولار حصيلة أعمال فنية على قناته على يوتيوب.

وقال نور التوت، في بث مباشر عبر حسابه الشخصي بموقع فيسبوك: أنا كـ نور التوت وعلي قدورة وفيجو الدخلاوي، هتكلم عن نفسي وبقول أنا اتسرقت في 200 ألف دولار من حمو بيكا، قناة مزيكا هي اللي إدته الفلوس، الفلوس دي بتاعة القناة اللي إحنا شقيانين عليها بقالنا 5 سنين، أخد 200 ألف دولار وبيقول أنا دافع فلوس لـ الضرائب.

وأضاف نور التوت: طب أنا هروح الضرائب وهنعرف كل واحد عليه كام وهيعرف كل الكلام ده، حمو بيكا واخد 200 ألف دولار على حسنا نور التوت وعلي قدورة وفيجو الدخلاوي، إحنا فلوسنا بيتركب بيها عربيات وبيتجاب بيها شقق وحاجات ياما، أنا الحمد لله معايا عربيتي وشقتي، بس ده شقايا وتعبي، أنا أقسم بالله مش هسيب شقايا وتعبي لـ حد.

أزمة حمو بيكا ونور التوت 

وتابع نور التوت: بنسأل فلوسنا فين بيقولوا بيكا واخد وإحنا منعرفش، أنا حقي هاخده منك بالقانون، اتضحك علينا في 200 ألف دولار من حمو بيكا، إحنا فلوسنا بتضيع وبيتجاب بيها شقق وعربيات وكل حاجة، وأنا هقلب عليك الدنيا كلها والضرائب، أقسم بالله والكعبة اللي زورتها مش هسيبلك جنيه من شقايا وتعبي يا بيكا، وأنا وأنت والقانون والضرائب، والحفلات اللي كل حفلة بـ مليون جنيه.

ودخل نور التوت في حالة انهيار، قائلًا: أنا عايز الناس تقف معايا، أنت واحد بتقول محدش بيعرف ياخد معاك حق ولا باطل، في قانون، بيقولي دفعت الـ 200 ألف دولار في الضرائب، ضرائبك على إيه؟ الحفلات أم مليون جنيه؟ ولا الإعلانات؟ ولا البرامج، أنا هفضحك.