رائد أعمال يتهم صبور بالتلاعب في أسعار مشروع Summer: داخل اشتري شاليه بـ 8 ميلون جنيه أصبح بـ 10 مليون

هاجم أحمد صقر، رائد أعمال ومؤسس شركة شرى نارتى‏ للتطوير العقاري، شركة صبور للتطوير العقاري، بسبب ممارساتها في طرح أحدث مشاريع الشركة Summer في الساحل الشمالي، بعدما رفعت مبلغ مقدم جدية الحجز من 50 ألف جنيهًا إلى 300 ألف جنيهًا. 

وكتب صقر عبر حسابه الرسمي بـ فيسبوك: اليومين اللي فاتو كان عندنا امتحان صعب جدا قيمته مبيعات ب مليار جنيه + بس الحمد لله اعتقد ان ربنا اكرمنا و اخدنا القرار الصحيح . 
اتكملنا من شهرين عن مشروع Summer بتاع صبور في سيدي حنيش و قولنا ان لو نجحنا ناخد بالاسعار الافتتاحية المعلنة هايبقي عندنا فرصة استثمار short term مدتها 6 الي 12 شهر يتعمل فيها exit . 

وأضاف: بفضل الله في أقل من أسبوعين كان في اكتر من 80 استمارة حجز للناس اللي بتصدقنا و بتثق فينا نسبة كبيرة منهم عايزه تحجز فيلات كمان بمبالغ اكبر من  قيمة الشاليهات، إجمالي المبيعات المتوقعه من ال 80 حجز دول تعدي المليار جنيه . اغلبهم حول فلوس جدية الحجز المطلوبه من المطور اللي هي 50 ألف للشاليه و 150 للفيلا . 

قرار استراتيجي غلط 

وعن تلاعب شركة صبور خلال طرحها المشروع أمام العملاء والمستثمرين، قال: صبور اتخذ قرار بقبول شيكات جدية حجز دون صرفها و ده ادي الي انه جاله شيكات صورية كتير للحجز بدون ما تتصرف و ده ادي الي انه بقي عنده الاف الشيكات متصرفتش و ميعرفش مين الجاد ومين اللي حاطط شيك مضروب، كل المطورين من حقهم يكسبو و يبيعو كويس بس بدال الاعلان تم علي اسعار افتتاحية علي اساسها الناس حطت جدية الحجز سواء فلوس او شيكات يبقي مفروض الناس تاخد فرص عادله حسب رقم حجزه في النفاذ للاسعار الافتتاحية. 

شاليه بـ 8 ميلون جنيه أصبح بـ 10 مليون

وأردف: اللي حصل أن الشركه علشان تصلح قرار استراتيجي غلط و تعمل فلتره لجدية الحجز اللي بجد و جدية الحجز الصورية طلعت قرار جديد يظلم الناس اللي التزمن و حطت جدية حجز فلوس حقيقية مش ورق كوتشينه و قررت انك حتي لو كنت حاطط 50 الف مش كافي علشان تاخد فرصة عادله للاختيار بالسعر الافتتاحي وبقي لازم تحول 300 الف كمان وتحط شيكات مصرفية فاضيه يتحط فيها باقي المقدم لما يسمحولك تختار وحده اللي غالبا بالطريقة دي هاتبقي زي ما هايد بارك عملت من شهر داخل تشتري شاليه ب ٨ مليون تلاقيه بقي ب ٩ مليون و ١٠ مليون جوه اللونش. 

واستطرد: بما انك نفسيا دفعت ٥٠ و بعدين دفعت ٣٠٠ غالبا قرار تراجعك عن الشراء بيبقي اصعب حتي لو لقيت سعر الشاليه بقي اغلي من السعر الللي علي اساسه دخلت حطيت جدية حجز و اصيع ناس بيعملو ده في السوق هما بالم هيلز و ماونتن فيو و دي ممارسات مرفوضه بالنسبالي كمستثمر انا مش داخل اشتري فراخ في الجمعية و بجري وسط زحمة كدابه . 

قرار الانسحاب

وعن قرار انسحابه، أوضح: هو قرار صعب بس انا رفضت ادفع اي رسوم جدية حجز اضافية و مش هاشتري و بلغت ال ٨٠ مشتري و مستثمر واثق فينا اننا مش هانشتري في المشروع بالطريقه دي و اديناهم حرية الاختيار يحولو الفلوس الاضافية و يشترو او نشوف فرصه بديله عادله افضل في مولد سيدي راس الحكمة السنادي وده علي مستوي البيزنس خسارة كبيره جدا ماليا في القرار ده و اللي في السوق ومعاه ٨ حجوزات بيبقي فرحان بيهم فما بالك ب ٨٠ حجز ..بس المكسب مش دايما فلوس بس و ثقة الناس فينا هي راس مالنا الحقيقي اللي لازم نحافظ عليه، انا بصراحه كان قلبي مش متطمن من ساعة ما شفت البنت اللي بتغني ( توكو الشماسي ) في الاعلان .