بعد وفاة أول ضحاياه.. أقوال عباس أبو الحسن أمام النيابة في حادث دهسه سيديتين بالشيخ زايد: نطوا قدامي وملحقتش أتفاداهم

توفيت منذ قليل داخل المستشفى إحدى السيدتين المصابتين في حادث الفنان عباس أبو الحسن والذي وقع الاسبوع الماضي في منطقة الشيخ زايد.

أمرت جهات التحقيق، التصريح بدفن جثة السيدة المتوفية التي لقيت مصرعها إثر حادث تصادم سيارة الفنان عباس أبوالحسن بها أثناء ذهابها إلى العمل، خلال تلقيها العلاج داخل إحدى المستشفيات.

تعرض الفنان عباس أبو الحسن يوم الإثنين الماضي لحادث سير في منطقة الشيخ زايد، مما تسبب في إصابة سيدتين ونقلهما إلى المستشفى وإصابته في قطع وتر القدم.

بدأت الواقعة بتلقى مدير مباحث  الجيزة، اللواء محمد الشرقاوي، إخطارًا من مدير المباحث الجنائية بمديرية أمن  الجيزة اللواء هانى شعراوي، مفاده تلقي رئيس مباحث قسم شرطة الشيخ زايد أول المقدم عمرو مصطفى، بلاغ بوجود حادث دهس ومصابين أمام مول شهير بمنطقة الشيخ زايد.

وعلى الفور، انتقلت اجهزة الأمن، وتبين إصابة سيدتين دهسهما الفنان عباس أبو الحسن بسيارته ، وتم نقلهما للمستشفى في حالة حرجة لتلقي العلاج، وألقت الشرطة القبض على الفنان عباس أبو الحسن، وتحرر محضر بالواقعة وتولت النيابة التحقيق.

أقوال الفنان عباس أبو الحسن أمام النيابة

وننفرد بنشر نص اعترافات الفنان عباس أبو الحسن أمام جهات التحقيق

س: ما قولك فيما هو منسوب إليك " تلونا عليه الاتهام الوارد بصدر التحقيق" ؟

ج: محصلش

س: ما الذي حدث إذا وما ظروف ضبطك وعرضك علينا؟

ج- اللي حصل ان انا كنت جاى من مول العرب رايح بيتى في الصحراوى كنت ماشى بعربيتي ( ن ع ٤٣١٩ ) طريق المحور المركزى اتجاه ميدان لبنان في الحارة السريعة و كنت في ثانى حارة من على الشمال و كانت في عربية سبقاني بشوية على شمالى فجأه لاقيت اتنين ستات ناطو من قدام العربية اللى قدامى و وقفوا ادام عربيتي و هي ماشية و يدوبك دوست فرامل لاقيتني خبطهم و نزل من العربية مخطوط لاقيت في واحدة ست واقعة جنب العربية و التانية تحت العربية بين الكوتشين اللى ورا الناس اتلمت و حولوا يسعدونى علشان نخرج الست اللي تحت العربية قررنا ننيم العربية على جنبها و فعلن نيمناها و الناس خرجوا الست من تحت و اتصلنا بالاسعاف و عربية النجدة وصلت و انا اتصبت في رجلى و انا بزق العربية علشان انيمها على جنبها و بعدين روحنا القسم روحت مركز اشعة علشان رجلی وجيت دلوقتي النيابة .

س: ما سبب تواجدك في المكان والزمان سالفي الذكر؟

ج: كنت في مول العرب و مروح بيتى

س : صف لنا طريق محل الحادث؟

ج: هو طريق سريع مكون من ٦ حارات و البطيئ مكون من ثلاث حارات .

س: وما هي حالة الطريق من حيث الضوء والرؤية ؟

ج: هي الرؤية واضحه لان كنا العصر.

س: وما هي حالة طريق من حيث المارة؟

ج: هو الطريق كان مزحوم بالعربيات بس العربيات كلها كانت ماشية بنفس السرعة

س: وماهي سرعة السيارة قيادتك؟

ج: انا كنت ماشي بنفس سرعة العربيات و كانت اقل من ۸۰ و مش عارف كام بالظبط.

س: وماهي طبيعة الأرض ؟

ج: هي الأرض اسفلت ومتسفلتة كويس والطريق ممهد.

س: وفي أي الحارات كنت تسير بذلك الطريق؟

ج: انا كنت في تانى حارة من على الشمال

س: وماذا عن محاولة تفادي وقوع ذلك الحادث؟

ج: انا دوست فرامل بس المسافة كانت قريبة جدا ملحقتش اتفادهم لانهم نطوا فجاه قدام العربية .

س: ومالذي حدث عقب ذلك الاصطدام؟

ج : انا نزلت علشان اطمن على الاتنين اللي اتخبطوا

س: ما الحالة التي شاهتهما عليها ؟

ج: هو كان في واحدة فيهم وقعت جنب العربية على اليمين و التانية وقعت ما بين الكوتشين اللي ورا و زقينا العربية

نيمناها على جنبها علشان نعرف نخرجها وطلبنا الإسعاف.

س: وماهي الإصابات التي لحقتك من جراء ذلك الحادث؟

ج: وأنا محصليش إصابات في الحادثة بس و انا بزق العربية مع الناس علشان انيمها على جنبها حصلى إصابة في
رجلى اليمين من تحت غالبا قطعت وتر اكيلس.

س: وماذا عن التلفيات التي لحقت السيارة قيادتك؟

ج: وأنا مشفتش العربية حصل فيها ايه بس ممكن تكون اطبقت من الخبطة و لما نيمناها على جنبها.

: ملك من السيارة الرقيمة ( ن ع ٤٣١٩ )؟

ج : هي عربيتي و باسمى

س: وما قولك فيما ثبت باقوالك بمحضر جمع الاستدلات المؤرخ ٢٠٢٤/٥/٢٠ "تلوناه عليه تفصيلا"؟

ج: ايوة هو ده اللى حصل .