شوبير: فكرت في الرحيل عن الأهلي.. وهتاف الجماهير باسمي من أهم لحظات حياتي

صرح الحارس مصطفى شوبير حارس مرمى النادي الأهلي ومنتخب مصر عبر برنامج ملعب أون تايم مع الإعلامي سيف زاهر

وقال مصطفى شوبير:"مفيش أي مشكلة بيني وبين الشناوي , وأي لاعب طبيعي أنه يزعل أنه مبيلعبش ولو العكس حصل يبقى فيه مشكلة , نفسيا محمد الشناوي دعمني كثيرا وكان بيتكلم معايا دايما قبل فاينال الترجي الذهاب والإياب , وشرف كبير ليا أن الشناوي يبقى دكة وأن الحارس الأساسي يبقى أنا وده يبين قيمة كابتن محمد الشناوي , وكان بيتكلم معايا دايما وهو على الدكة وكان بينبهني أتكلم مع اللاعبين , واللاعبين على الدكة بتتكلم كتير جدا مع اللاعبين جوه الملعب وبتحاول تفوقهم , التسخين وتشجيع الجمهور والهتاف باسمي في نهائي دوري أبطال إفريقيا العام الماضي والعام الحالي من أجمل الحاجات اللي حصلتلي في حياتي وأحلى لحظة وجسمي قشعر وقتها , 

ووقت استلام الميداليات أمام الوداد وتسليم الشناوي الميدالية لي من أهم اللقطات اللي حصلتلي اللي مهما عملت مش هقدر أوفى الكابتن محمد الشناوب حقه , ومركز حراسة المرمى اكثر مركز حساس في الملعب ولازم الحارس يبقى ليه حساسية المرمى زيه زي اللاعبين , وعقب إنتهاء مباراة الترجي في الإياب واحتفالي مع الشناوي لقطة عفوية بحتة ودللت على أشياء كثيرة ونفت إشاعات كتيرة"

وأضاف شوبير:"فكرت كتير في الرحيل عن الأهلي ولكن كل المدربين تمسكوا بيا وشوفت واقتنعت أني لازم أطلع إعارة ولكن لما اخذت الفرصة همسك فيها وده تحدي بين وبين نفسي أني أثبت نفسي للنادي الأهلي والجهاز الفني"