شيماء سيف على خطى مى كساب .. رشاقتها جراحة أم نظام غذائى
استضافت الإعلامية ياسمين عز الفنانة شيماء سيف فى برنامجها الخاص “ كلام الناس ” المُذاع عبر فضائية MBC مصر فى تمام الساعة السادسة مساءً.
و كشفت شيماء سيف خلال لقائها مع ياسمين عز عن سبب نقصان وزنها بهذا الشكل قائلة “ عملت عملية تكميم و خسرت 50 كيلو مرة واحدة .. أنا عارفة انى الناس هتزعل منى عشان أنا صاحبة مقولة لية أعمل رجيم و أنا قدامى شيكولاتة أو مكرونة بشاميل، بس أنا كان الوقت دة كان الحمد الله صحتى كويسة ”
و أردفت حديثها “ صحيت فى يوم بدون سابق إنذار السنة اللى فاتت مش قادرة اتنى رجلى و لا قادرة أطلع سلالم، تواصلت مع دكتور و كان عندى تصوير .. قالى لازم تعملى أشعة حالًا طلعت الأشعة فيها لازم تغير مفاصل و كانت الصدمة بالنسبالى و أنا مش بحب المستشفيات، و اللى خدت بالها أنى تعبانة و بعيط الفنانة القديرة يسرا و أول ما قالتلى مالك انهارت من العياط و اقترحت عليا نروح للدكتور تانى "
موكدة “ روحنا للدكتور تانى و طمنى أنى مش محتاجة عملية الحمد الله، لكن أنتِ حملتى على رجلك وزن 80 سنة على واحدة سنها فى الثلاثينات، الكلمة كانت كالخنجر فى قلبي فقررت من هذه اللحظة أنى أخوض التجربة، و اللى ساعدتنى فى القرار مى كساب فضلت ورايا لحد ما اقنعتينى و طمنتيني، و قد كانت شاكة دبوس "
وأوضحت ما يحدث بعد العملية “ بتقعدى شهر مش عايزة تأكلى لكن بعدها نفسكِ بتفتح على الأكل و لكن بسبب تعبى فقد كرهت الأكل و أى حد بيأكل قصادى، أنا سريعة فى قرارى و عندى إرادة و بطنى وجعتنى بعد العملية ”
مشيرة على حقيقة الفيديوهات التى تنتشر على لسان الفنانين ووفاتهم بسبب هذه العمليات هذا غير صحيح ماهو الإ جمع عدد مشاهدات و لايكات و تعليقات فقط .
جوجل نيوز
