مفيدة شيحة تدافع عن حضن زوجة صلاح وكلوب: الناس برا مبيفكروش بطريقة سواقين أوبر عندنا

دافعت الإعلامية مفيدة شيحة عن مشهد احتضان مدرب ليفربول السابق يورجن كلوب لـ زوجة محمد صلاح خلال حفل وداعه في ملعب أنفيلد، وهو المشهد الذي أثار جدلًا كبيرًا على مواقع التواصل الاجتماعي.

وقالت مفيدة شيحة، خلال تقديم برنامجها «الستات»، عبر قناة «النهار»، إن هذا المشهد تسبب في حالة من الهجوم الشديد على محمد صلاح، مشيرة إلى نجم ليفربول محمد لاعب كرة محترف، وليس داعية إسلامية أو شيخ جامع.

مفيدة شيحة تدافع عن حضن زوجة صلاح وكلوب

وأضافت: «لما بنحب ناس وبنعزهم وبيعتبروا من العائلة وبنحس أنهم بقوا جزء من الأسرة بيكون السلام عليهم كده، سواء الست كانت محجبة أو غير محجبة، صح غلط دي مش بتاعة أي حد، ولا المفروض نعلق المشانق لمحمد صلاح».

وتابعت: «صلاح عايش في مجتمع أوروبي، الحياة في أوروبا مختلفة، موضوع التلامس وده عينه مني الكلام والتفكير ده مش موجود بره، الناس بره -في إشارة لمدرب ليفربول- مش بتفكر زي تفكير سواقين أوبر عندنا».

 حضن زوجة صلاح وكلوب

وأكملت: «صلاح سلم على زوجة كلوب بنفس الطريقة، واحتضنها، دي حاجة عفوية وأبوية وثقافة طبيعية، إحنا في المجتمع العربي والمصري لما يكون في حد قريب منا أو معلم بالنسبة لنا أو مؤثر في حياتنا بنسلم كده، ده مفيهوش حاجة، إلا عند الناس اللي ربنا مسح النور من عقولهم وقلوبهم، وما خلاش غير التفكير الجنسي هو اللي بيحركهم».

واستطردت شيحة: «صح غلط، ده موضوع ملناش فيه، ليه حاطين نفسنا دعاة ووكلاء لربنا على الأرض، ربنا هو اللي بيحاسب الناس، المجتمعات بره بتفكر بطريقة مختلفة وطريقة تعبيرهم عن حبهم وامتنانهم لبعض، بلاش نعمم الخيال المريض على الناس».