فريدة سيف النصر: أنا شفت جوايز لنجوم بتتباع في سور الأزبكية وعندي 20 تكريم حطاهم في المطبخ

كشفت الفنانة فريدة سيف النصر سبب عدم حضورها المهرجانات الفنية أو حتى استلام تكريماتها.

وقالت فريدة سيف النصر خلال لقائها في برنامج "أسرار النجوم" من تقديم الإعلامية إنجي علي عبر قناة وإذاعة "نجوم FM": "بتجيلي تكريمات ومهرجانات كتير لكن أنا مش بهتم، آخرها كان مهرجان الدراما للدكتور يحيى الفخراني، لكن أنا ما شفتش حتى الرسالة".

وتابعت فريدة سيف النصر: "حياتنا فيك جوا الشاشة بنلبس لبس كتير ونحط مكياج كتير، أنا برا بقى مش عايزة غير أبقى فريدة ومن حقي أبقى فريدة شوية واتخلع من الجو اللي حواليا اللي مش بيخليني فريدة".

وأكملت فريدة سيف النصر: "عندي تكريمات بتاع 20 واحدة حطاهم في المطبخ وكان لسه عندي تكريم في إسكندرية والجامعة الكندية ومروحتش، ودا بيحصل على مدار السنين لأن أنا شفت ومش هذكر أسماء نجوم كبيرة جدا الجوائز بتاعتهم بتتباع في سور الأزبكية أول ما الورثة بتاخد الحاجة بتترمي وتتباع".