أمين الفتوى يحذر من ظاهرة الزواج بـ«الأنتيم» (فيديو)

حذر من الشيخ عمرو الورداني، أمين عام الفتوى بدار الإفتاء المصرية، من ظاهرة أطلق عليها زواج «الأنتيم».

أمين الفتوى يحذر من ظاهرة الزواج بـ«الأنتيم» (فيديو)

وقال «الورداني»، خلال برنامج «ولا تعسروا»، عبر قناة مصر الأولى، اليوم الأحد، إن غياب مفهوم الأسرة وقيمتها يفتح الباب لنوافذ أخرى تحت مسمى «الاحتواء البديل»، والتي تقوم بأدوار غير جيدة.

وأضاف: «ظهور أدوار إن الناس تتجوز بأنتيمها، هي تتزوج بأنتيمها، وهو يتزوج بأنتيمته، حصل لأن الزواج مش حقق اللي إحنا عايزينه، مش حقق لكل طرف إنه يتكلم بس وحد يسمعه».

وأوضح: «كل واحد مش عايز مشاركة، عايز يفضفض بس، الشخص اللي معندوش أعباء أو مشاركة اللي هو الأنتيم، قبل الزواج يخصموا من دور الأب والأم، وبعد الزواج يخصموا من دور الزوج أو الزوجة، فالأسرة تبقى مهددة».

وتابع «الورداني»: «ده بيحصل مع زملاء العمل أو الدراسة، فتحصل ظاهرة الاحتواء البديل خارج الأسرة، وتظهر أدوار خارج الزواج تؤثر على مفهوم الزواج، ويحصل الإحساس إن الزواج مش بيعود علينا بالمنفعة اللي كنا منتظرينها، اللي هي الاحتواء».