بسمة وهبة ترد هجوم الشيخ على ميار الببلاوي:وعايزة 3 شهود يأكدوا كلام الشيخ عن الزنا

حرصت الإعلامية بسمة وهبة الرد، على تصريحات الإعلامية ميار الببلاوي، بعد حلقتها في برنامج العرافة برمضان 2024، وجدل تصريحاتها حول عودتها لزوجها بعد طلاق 11 مرة، ما جعل شيخا شهيرا يخرج ويتهمها بالزنا.

 وقال بسمة وهبة خلال فيديو عبر حسابه الشخصي بموقع تبادل الصور والفيديوهات القصيرة إنستجرام:عمرى الحقيقة ما رديت على حد حتى لو كلامه كدب وده بيحصل كتير أوي، في العرافة ناس كتير تكون طلعت وحلقاتها تكون معملتش تريند أو عملت تريند وعايزين تاني، فبيتقولوا حاجات لنفسهم ويعملوا فضايح لنفسهم في سبيل التريند. 

وتابعت بسمة وهبة: أنا بطنش وأقول خليهم ياكلوا عيش، فيه كلام اتسرعتي وقلتيه والنبي يا بسمة شيليه، وقلت لك من العين دي، وشيلت اللي طلبتيه، اطلعي كذبيني، لا تقربوا الصلاة، ساكتة ليه من يوم ما الحلقة اتعرضت ما دام مضايقة. 

وأوضحت بسمة: مبحبش اللي بيجي على الولايا، الشيخ وصل بيه الأمر أنه يوصفك بالزنا، بحب الأزهر ورجال الدين، ومبحبش حد يجي جنب شعرة منهم، دا مش نفس نهج سيدنا النبي أبدا، ولادي طريقته، مينفعش الكلام اللي قلته دا بيتعارض مع الخطاب الديني، هاتلي 3 شهود غيرك يؤكدوا حكم الزنا اللي قلت.

 وكانت خرجت ميار الببلاوي مؤخرًا في فيديو لايف عبر صفحتها بموقع فيس بوك، ظهرت فيه منهارة من البكاء بعد اتهامها من شيخ مشهور بالزنا، وكشفت لجمهورها تفاصيل ما حدث معها، موضحة أن هذا الشيخ قال في حقها ما ليس فيها بعد حلقتها مع الإعلامية بسمة وهبة في رمضان وحديثها عن عودتها لزوجها بعد طلاق 11 مرة.