في 10 نقاط.. أبرز تصريحات للرئيس السيسي مع عمرو أديب

أجرىمنذ قليل، الرئيس عبد الفتاح السيسي مداخلة هاتفية لبرنامج "الحكاية" الذى يقدمه الإعلامى عمرو أديب، وتحدث الرئيس خلال المداخلة عن تفاصيل كثيرة تشغل الراي العام ونرصد لكم في بصراحة اهم تلك التصريحات.

1_ "نحن نقاتل بالتفاوض، طول ما إيدينا فى إيد بعض وثابتين ما نقلقش من أى حاجة، وهنوصل لنتيجة بالتفاوض وبثباتنا كمصريين فى موضوع سد النهضة".

2- وبشأن انزعاج الناس من كثرة إنشاء الكبارى فى مصر، رد الرئيس قائلا: "أنا عايز أقول للناس هو انتو شايفين أن اللى إحنا بنعمل ده كان مطلوب ولا هو زيادة، انت عندك كام مليون عربية بتتحرك فى مصر، وكل سنة بتزيد 200 ألف، انتو متخيلين فقط هو أنا بعمل كتير فى الطرق بس، لا أنا بعمل كتير فى كل شىء فى كل القطاعات

3_ وقال الرئيس "قطاع الطرق ده مرتبط بحياتنا فى مصر، وعلشان نقلل حجم الوقت الضايع والوقود اللى بيستهلك ويضر الناس، واختتم مداخلته بالقول: "والله كله من فضل الله والحمد لله" .

4_ وقال الرئيس إن موضوع التطعيم واللقاح موضوع مهم، وبندرس كل الموضوعات علشان ناخد القرار ونشوف هناخد مين الشرائح اللى هناخدها بالترتيب بتاعها، ولقينا عندنا الشرائح الأولى الأطباء وأصحاب الأمراض المزمنة 35 مليونا، فلوسهم موجودة مفيش مشكلة ولابد من السيطرة على الموضوع.

5_ وقال الرئيس عاوز الناس تطمئن، الجائحة مسيطرة على الدنيا كلها، وأنا عاوز أطمن الناس حاجتنا بتيجى وحاليا شغالين على الأطقم الطبية، وفى ناس بتقول مش عاوزة وحجم الطلب من 40 إلى 50 %.

6 _قال الرئيس عبد الفتاح السيسي خلال مداخلة هاتفية مع الإعلامى عمرو أديب، أن قوة مصر نابعة من مؤسساتها وشعبها وليس من مؤسساتها فقط، ونحن حريصون على أن تكون كل تحركاتنا تهدف إلى بناء السلام والاستقرار".

7 _ وأضاف الرئيس السيسي، الأوضاع الخارجية دائما مرتبطة بالأوضاع الداخلية والقرارات نابعة من الشعب ومن يستهدف فهو يستهدف الشعب ولا يستهدفنى، وكل الفكرة اجتزاء الحقائق".

8_ وأضاف الرئيس السيسى، أن قضية الزيادة السكانية منذ أيام الرئيس الراحل جمال عبد الناصر، واستمرت فى عهد الرئيسين الراحلين أنور السادات ومحمد حسنى مبارك، مردفا: "الواحد يقول أنا عندي 4 عيال مش عارف أكلهم.. صحيح أنت مش عارف تأكلهم.. طيب انتبهت وأنت بتجيب الـ4 عيال؟

8_ وأكد الرئيس السيسي، أن هناك اهتمام كبير بقضية تنظيم الأسرة خلال هذه الفترة، متابعا: «مينفعش نعمل إجراءات قانونية عنيفة دلوقتى.. تأثيرات الثورة والغضب ما زال موجود جوه الناس لحد الآن.. لم ينتهى بعد.. ولكن يجب على الناس تساعدنا إنها تتفهم أسباب ما نحن فين وإحنا ليه وصلنا لكده».

9_ قال الرئيس إحنا داخلين على القرى ومخصصين 500 مليار جنيه للقرى، كم المطلوب ضخم والبلد مش قادرة توفره، مش المشكلة توفير المبلغ المشكلة فى الرسوم الهندسية، كل قرية ليها شغل مختلف، أنا بستفيد من فرصة البيت بتاع الإسكندرية احنا دارسين حاجتنا ومجهزين نفسنا، عندنا 100 ألف أو 200 ألف مخالفة فى الإسكندرية ومحتاجين مليون شقة، محتاج 3 إلى 4 تريليون جنيه.

10_ قال الرئيس عبد الفتاح السيسى، إن أزمة العقار المائل فى محافظة الإسكندرية، تجسد الواقع، متابعا: "القضية حجمها كبير.. والواقع بتاع العمارة دي وعمارة فيصل تجسيد للواقع اللى إحنا فيه".

اقرأ أيضا: