«مفيش حب».. مسلم يكشف سبب طلاقه لـ ميكا البغدادي وسر رجوعه لخطيبته

مطرب المهرجانات مسلم.. عاد اسم مطرب المهرجانات مسلم للظهور من جديد، وذلك بعد إعلان عودته لخطيبته وسر طلاقه لـ ميكا البغدادي بعد عام ونصف فقط من زواجهما، وهذا ما سوف نستعرضه خلال السطور التالية.

سبب تطليق مسلم لزوجته ميكا البغدادي

وأوضح مسلم، خلال لقائه ببرنامج «أسرار» الذي تقدمه الإعلامية أميرة بدر بقناة «النهار»، سبب تطليقه لزوجته، قائلا: «أنا أعلنت انفصالنا عشان موقفش حياتها وربنا يكرمها قدام بحد تاني غيري، وهي اتشهرت بعد ما اتجوزتني إنما قبل الزواج محدش كان يعرفها كتير».

وأوضح مسلم: «قعدت سنة ونص مع ميكا البغدادي وخلفت منها ابني مسلم، وأخدت قرار الطلاق علشان مفيش ما بينا تفاهم وإحنا مش دماغ بعض ومتجوزناش عن حب، هي كانت صاحبتي وشغالة فوتوجرافر وبتصورني وهي إنسانة محترمة بس علشان مفيش تفاهم قررنا الانفصال».

عودة مسلم لخطيبته

في سياق متصل لفت مسلم سبب رجوعه لخطيبته، قائلا: «رجعت لخطيبتي فجأة من غير ما أقول عشان الناس متفكرش إني عايز أعمل لقطة ولا بنعمل كده علشان التريند، وقررنا نعقل كده نكبر ومنتسرعش في أي قرار ناخده والمشكلة كانت عندي لأني زعلت واتقمصت وصعبت عليا نفسي بس هي مسبتنيش وجت صالحتني وهي إنسانة عايزاني بس موصلش بيا الوضع إني اكتئبت بس زعلت علشان محدش كمل 15 يوم خطوبة ويسيب حاجة مش حلوة قدام الناس».

حب مسلم لخطيبته

والجدير بالذكر أن مطرب المهرجانات مسلم، تابع قائلا:«مش عايز حد يشمت فيا، علشان كده رجعت لخطيبتي، فيه ناس كتير حواليا بتحب تشمت فيا، وقبل لما أخطب كنت مفركش مع 3 بنات، قفلت حياتي عن ناس كتير ولما خطبت خطيبتي الأخيرة كان بعد لما حسيت اني بحبها 100%».

آخر أعمال المطرب مسلم

يشار إلى أن آخر أعمال مسلم طرحه مؤخرا لأغنية «محبتنيش» التي حققت نجاح كبيرا بتجاوز عدد مشاهداتها المليون في ساعات قليلة من انطلاقها، وتضمنت كلماتها الآتي: انت محبتنيش، فبلاش نكذب على بعض، روح كفاياك تمثيل، إننا نرجع صعب، بعدي عايش وبخير، بس سايبني في حرب، فيك كان عشمي كبير، ردتني لسابع أرض، انت اخترت تعيش، بس بعيد عني، انساني ياريت متجيش، بعد ما طاب قلبي، حبيتك بس مفيش، حاجه قصاد تعبي، كنت بعدي كتير، بس دا كان ذنبي.