جميلة عزيز: الفن ضيع عمري ويمكن ربنا كاتبلي ارتبط بملاك في الآخرة

أوضحت الفنانة جميلة عزيز، أن الفن جعلها تخسر فرصة الزواج وتكوين الأسرة، كما كشفت عن أمنيتها في أدء فريضة الحج.

جميلة عزيز: الفن ضيع عمري ويمكن ربنا كاتبلي ارتبط بملاك في الآخرة

وقالت جميلة عزيز، في لقائها مع الإعلامية إنجي هشام، في برنامج "المنسي" المذاع عبر شاشة قناة "هي": الفن ضيع من عمري وضيع عليا أني اعمل بيت وأسرة، وأنا مش ندمانة ده نصيب من عند ربنا، البني آدم لو مكتوب له أنه يرتبط ويتجوز ويعمل أسرة يبقى هيحصل سواء في الوسط أو برا الوسط، يمكن مكتوب لي عند ربنا أو مكتوبلي يوم القيامة أني ارتبط بملاك، أصل اللي متجوزش في الدنيا هيتجوز في الآخرة أكيد.

وتابعت: أي حاجة بتيجي للبني آدم بتكون تجربة وبتكون خير له، ربنا مبيسببش حاجة للبني آدم غير لما تكون خير لما بعد ذلك، وعايز يخليني في مرتبة أعلى.

وعن أمنيتها، قالت جميلة عزيز: اللي شاغل بالي أني أحج، نفسي أوي أحج وربنا يكتبلي أحج وأزور بيته وأصلي وأدعي هناك، مشتاقة جدا وربنا يكتبها ليا ولكل مشتاق، ونفسي الناس تحب بعضها بإخلاص من قلبها بدون نفاق ومصلحة.