سعد الصغير: اشتريت بـ250 ألف جنيه أجهزة لوالد بوسي ولو عندها دم تطلعهم لله

قال المطرب الشعبي سعد الصغير، إنّه تدخل بين المطربة الشعبية بوسي ووالدها حتى تقول له «يابا أنا سامحتك».

سعد الصغير يكشف دوره في صلح بوسي بوالدها 

وأضاف الصغير، في حواره مع الإعلامية بسمة وهبة، مقدمة برنامج «العرافة»، على قناتي المحور والنهار: «قلت لوالدها أنت تسببت في إيذاء بوسي، ماكنتش لاقية تاكل وأنت بتروح تسهر والواحد مش عاوز يتكلم، وكنت عاوز أصالحهم».

سعد الصغير: اشتريت بـ 250 ألف جنيه لوالد بوسي لأنه كان قاعد في خرابة 

وتابع سعد الصغير: «أبوها غلط في حقها، لكن والمصحف ما كانت بتبعت له جنيه، ولا كانت بتدي لأخواتها حاجة، واشتريت له بـ250 ألف جنيه تكييف وشاشات وغيرها وذلك من تبرع فاعل خير، لأنه كان يعيش في خرابة، ولو هي تمام وعندها دم تطلع الـ250 ألف جنيه لله، لكن هي أخدت الشقة بالعفش اللي إحنا جايبينه، وهي شقة والدتها، والمفروض تدينا الحاجة اللي جبناها لأبوها».