مها أحمد لـ"أسرار": فاروق فلوكس تاريخ لكن مش من حقه يقرب مني ويلزق فيا أوي

كشفت الفنانة مها أحمد واقعة حدثت بينها وبين الفنان فاروق فلوكس قائلة: «عرفت أن المسرح بيكرم فاروق فلوكس، فا قلت لصديقتي ومديرة تحرير برامجي، بفكر أروح عشان أحضر التكريم واعمله مفاجأة يمكن يفرح، قالتلي إزاي ده شتمك، رغم أنى مش فاكرة اني اشتغلت معاه، فا سألت مقربين قالولي اني عملنا مسرحية مع بعض، وهو بالنسبالي تاريخ».

مها أحمد: اشتكيت فاروق فلوكس عشان بيقول ألفاظ خارجة 

وقالت مها أحمد خلال استضافتها ببرنامج «أسرار» مع الإعلامية أميرة بدر المذاع على قناة النهار: «كنت بعمل بطولة مسرحية، فكان في الشغل بيقرب مني أوي، بيلزق فيا أوي، وبيندفع بالكلام وده بيضايقني، وكان يخرج عن النص لأنه كان جاي علينا جديد، ومش حافظ، فا كان يرتجل بـ كلام مينفعش يتقال على مسرح دولة، فا اشتكيت للمخرج قلت له بعد إذنك لما يجي يشتغل معايا وميقولش ألفاظ خارجة، ف الزميل المذيع والممثل، مردش حقي وبعدين قالوله في الايربيس وجه يلم الموضوع معرفش أصل الإرتجال ده عايز إمكانيات».