مها أحمد لـ"أسرار": بطلع على التيك توك عشان اكسب علاقات مش فلوس.. والهدايا اللي بتجيلي من باب الصدقة

علقت الفنانة مها أحمد على ظهورها على منصة تيك توك قائلة: «الناس فاهمه غلط، وجوزي مجدي كامل لو مش موافق مش هعمل كده لانه راجل اوي وبحترمه، واللايفات التانية اللي مش حلوة مش من مصر لان كل بلد ليها قواعد».

مها أحمد: بطلع على التيك توك بشكل محترم كفنانة وبقواعد المنصة

وقالت مها أحمد خلال استضافتها ببرنامج "أسرار" مع الإعلامية أميرة بدر المذاع على قناة النهار: «في نجوم بيجلها أدوار من تيك توك وفيه نجوم كوميديا طلعت على تيك توك وعملوا مسابقات».

مها أحمد: فيه فنان كوميدي شهير بيطلع زيي على التيك توك

وأضافت: «فيه مطرب مشهور جدا بيطلع يعمل تحديات وبيجيلوا دعم ولو هما مش عايزين أو مش قاصدين المكسب منه، ممكن يقفلوا زرار الهدايا من البرنامج».

وأتمت: «المنصة مش بتكسب إلا مشاهير التيك توك، انما أنا لو عايزة اكسب هطلع طول اليوم مش هنام، اللي بيبعت هدايا دول بيدعموا من باب زكاة أو صدقة، لكن أنا بكسب علاقات مش فلوس، المنصة معمولة للمواهب اللي مش عارفين يطلعوا، واحنا بنطلع بشكل حلو كفنانين وبندعم بعض».