مش هأكل عيالي وطنية.. ميدو يكشف لـ«أسرار» سبب رفضه تدريب المنتخب الأوليمبي

علق أحمد حسام ميدو على رفضه عرض تدريب المنتخب قائلاً: "أنا مش مادي ومش بتعلق بالأشياء، وبصرف فلوسي على انبساطي وع عيلتي وعلى شغلي".

أحمد حسام ميدو: رفضت تدريب المنتخب عشان مش هأكل عيالي وطنية 

وقال كابتن ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "رفضت المنصب في المنتخب عشان كنت ماضي عقد مع بيراميدز مع تركي آل شيخ، وجالي عرض مع المنتخب الأوليمبي كان سيف زاهر وهاني ابو ريدة، قلتلهم هديكوا 50% من مرتب بيراميدز كنت باخد 70 ألف دولار  والمنتخب عرضوا 180 ألف جنيه وكله عشان الوطنية يعني هتأكلوا عيالي وطنيه، ودي كانت سياسة المنتخب الأولمبي".

ميدو لـ"أسرار": هكون أصغر رئيس لنادي الزمالك وحازم إمام عمره ما هيكسبني في الانتخابات

وفي الجزء الأول من الحلقة، علق أحمد حسام ميدو على واقعة المرتبات في الزمالك، قائلًأ: «لما مسكنا الإدارة الفنية في النادي اتكتب حازم مدير الكرة ومرتبه 100 ألف جنيه، وميدو مدير فني ومرتبه 140 ألف جنيه، اخدت الورقه والقلم وعكست الكلام وقلت ميصحش حازم يبقى أقل مني وهو أقدم مني، وحازم ميعرفش القصة دي بالمناسبة لاني لأول مرة أقولها».

ميدو: حازم إمام غلط ومش هو سبب خراب الكرة في مصر

وقال ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "حازم إمام غلتطه انه حمل نفسه فوق طاقته وتصدر المشهد وطلع على المسرح، بس هل هو سبب خراب الكرة في مصر، غلط انه اتفاوض وهو مش شغلته، المفروض في ناس شغلتها الحسابات والتفاوض، خد قرارات فنية كتير خاطئة، لأن مصر كانت ممكن تكسب البطولة دي، ومتفائل بحسام حسن.

 ميدو: هكون اصغر رئيس لنادي الزمالك

وتابع: «ممكن امسك نادي الزمالك في وقت من الأوقات، عشان امسك الزمالك لازم ابقى جاهز للمواجهات هدافع حتى لو هتسجن، في ناس كتير اكيد مش عايزاني وهتحاربني، انا اصغر لاعب درب الزمالك واصغر لاعب مثل مصر وان شاء الله هبقى أصغر رئيس للزمالك، وعمري ما أنزل انتخابات قدام حازم لكن ممكن ابقى نائب له، وحازم مينزلش قدامي لانه عارف اني هكسبه».