مصطفى كامل باكيا: حلمي بكر اتلعب ببنته ومكنتش عايز أدخل في أزمته لأني تعبت

حل الفنان مصطفى كامل ضيف على برنامج العرافة والذي تقدمه الإعلامية بسمة وهبة على شاشة قنوات المحور والنهار، حيث تحدث بها عن العديد من الأشياء والأسرار الخاصة بوفاة حلمي بكر وعلاقته بنجله هشام.

مصطفى كامل: بعدت عن مشكلة حلمي بكر وقولت أنا عندي بيتي وولادي وسمعتي أهم

قال مصطفى كامل في تصريحات: أنا كنت بحب راجل هو بيحبني، ومن فترة كبيرة قولت عندي بيتي وولادي وسمعتي أهم فمش هتدخل في حاجة تخص حلمي بكر لحد ما نادية مصطفى بعتتلي رسائل صوتيه مكانها الوحيد القانون، حاجات فوق ما عقلك تتخيل إلحقو حلمي بكر.

وتابع حديثه عن سبب اتخاذه قرار بعدم التدخل في مشكلة حلمي بكر، قائلا: كان بيتهاون في حق نفسه وبيطلوبني أتدخل وبعدها يتهاون وهكذا وأنا تعبت.

مصطفى كامل: كنت بصحى على رسائل الحقوا حلمي بكر وأما ابني كلمني قولتله انزل

وأضاف مصطفى كامل: أنا كنت بفترج زيي زيكم وبيجيلي رسايل الحقوا أستاذ حلمي وسألت ابنه هنا قالوا أها ومسألش عن أبوه وقالولي عايز يكلمني قولتلهم يكلمني ليه الراجل بينتهي، قولتلها ليه يا نادية عايزة تدمري حياتي وحياة ولادي وهو بعتلي رسالة انه عايز يتواصل معايا قولتله اي المطلوب مني انت كنت موجود في مصر مسألتش على بابا ليه.

واستكمل: أنا مكلمتش مرتضى منصور لكن بعت رقمه لابنه، أنا شبعت من حوار حلمي بكر وتعبت منه وأنا مش صغير ،  هو كان كل اللي فارق معاه بنته  بنته كانت نقطة ضعفه وهو اتلاعب بيها، وكان لا يقبل من أي حد إنه يتكلم عنها، هي كانت هدف إنه يعيشه.

مصطفى كامل: جالي خبر وفاة حلمي بكر وأنا فرح ابن محمد فؤاد وحصلي حالة انهيار

واستكمل: ابن حلمي بكر كلمني وقالي أنا سمعت إن مراته هتدخله المستشفى قولتله أوعا تتمنى إن ده يحصل قبل ما انت تيجي، وجالي خبر وفاة حلمي بكر وأنا في فرح ابن محمد فؤاد وحصلي حالة انهيار وهو عشان كدة مش بيكلمني عشان حضرتك فرح ابني مش ابن صحبي بقى.