«دموعي نزلت من كتر الألم».. شريف إدريس يكشف طبيعة مرضه

طمأن الفنان شريف إدريس جمهوره على حالته الصحية،بعد تعرضه خلال الساعات الماضية لوعكة صحية شديدة نقل على إثرها إلى المستشفى.

شريف إدريس يكشف تفاصيل وعكته الصحية 

كتب شريف إدريس منشور على حسابه الشخصي بموقع التواصل الاجتماعي الفيسبوك،قائلا:صباح الخير..شكرا من قلبي لكل الحبايب اللي بيحاولوا يتطمنوا عليا من امبارح..وبعتذر عن  عدم ردي،باختصار شديد بقالي فتره ضهري تاعبني ومأثر علي رجلي لأن عندي انزلاق غضروفي في الفقرات القطنيه وأهملته..وكنت بستحمل وماشي بمسكنات».

وتابع:«إمبارح كنت بجيب حاجات للبيت مع مراتي وبدأت اتعب بشكل غير طبيعي وفجأه حصلي تخشب تام في الجزء السفلي مع كل انواع الألم اللي ممكن تتخيلوه..وحاولت اتحمل وأخد مسكن لكن الوضع تحول اني في لحظة حسيت إن ضهري هيتكسر حرفياً وألم في جميع اطراف رجليا الاتنين ودموعي نزلت من كتر الألم حقيقي».

اختتم شريف إدريس حديثه:«روحت مستشفي وادي النيل اللي بشكر كل طاقم الطوارئ فيها..عملو أشعة مبدئية.. الدكتور قالي انا كنت هدخلك تعمل رنين بس من اللي شايفه من الأشعة مش هينفع ومش هتقدر تستحمل حتي جهاز الرنين ووراني شكل عضلات ضهري وهي تتشنج حرفيا ..علقولي محاليل مسكنات وكتبلي أدوية امشي عليها لمدة خمس أيام راحه تامه..وبعد كده أعمل رنين وابدأ رحلة علاج..بس بأمانة أنا شفت وحسيت بألم لا يمكن وصفه نتيجة التهاب حاد في الأعصاب ..الحمد لله علي كل شئ ..بشكركم جميعا».

زوجة شريف إدريس تعرضه علي وعكة صحية

أعلنت زوجة شريف إدريس أمس عن تعرض زوجها إلي وعكة صحية، قائلة:" أنا زوجة شريف..الحمد لله شريف خرج من المستشفي ورجع البيت وان شاء الله يبدأ رحلة علاج من بكره..بيعتذر انه مش قادر يرد عالتليفون نهائي من التعب والألم اللي ماسك جسمه كله..دعواتكم».
 

أعمال شريف إدريس

الجدير بالذكر أن الفنان شريف إدريس شارك في السباق الرمضاني الماضي من خلال مسلسل«سوق الكانتو»بطولة أمير كرارة، مي عز الدين، فتحي عبد الوهاب، محمود البزاوي، تأليف هاني سرحان، إخراج حسين المنباوي.