هتقطع من 11 لحد 5 .. عمرو أديب يعلق قطع الكهرباء المحتمل في شهر رمضان

علق الإعلامي عمرو أديب، على تخفيف الأحمال الكهربائية خلال شهر رمضان المرتقب، متسائلا: "تحب النور يتقطع قبل الفطار ولا بعد الفطار".

تخفيف الأحمال الكهربائية

وقال أديب، برنامج "الحكاية" المذاع عبر فضائية "إم بي سي مصر"، مساء اليوم الإثنين، “إحنا مش عايزين مفاجآت، قولوا لينا من دلوقتي الوضع في رمضان هيكون إزاي، الحمد لله أنه مش حر”.

وأضاف:" هناك اضطرار لتخفيف الأحمال الكهربائية بسبب وجود أزمة موجهًا حديثه للحكومة:"اتكلموا مع الناس، وشوفوا هما عايزين إيه، لو سمحتم عرفوا الناس بدري بلاش فجأة نلاقي الجدول نزل"، منوها بأن المتداول حتى الآن أن قطع الكهرباء سيكون خلال الفترة من 11 صباحا حتى الخامسة مساء، ولكن ليس هناك أخبار مؤكدة". 

وتابع، “مش هناشد لا وزارة الكهرباء ولا البترول، الموضوع في يد مجلس الوزراء لأنه هو اللي عارف القدرات والإمكانيات”، مستطردا: “دي أيام مفترجة ويا ريت لو في مفاجأة وميبقاش في تخفيف أحمال، وقولوا من بدري عشان هنعرف هنعرف، المصريين بيعملوا حاجات كتير في رمضان".