«مش بنت أصول»..حسام حبيب يوجه رسالة لـ شيرين في أغنية «كدابة»

طرح أمس، المطرب حسام حبيب، أغنيته الجديدة الذي تحمل عنوان «كدابة» على موقع الفيديوهات الشهير اليوتيوب، والمنصات الموسيقية، وتعاون فيها مع الشاعر عمرو المصري، والمحلن أمين نبيل، الموزع إسلام رفعت.

تقول كلمات الأغنية:

كدابة

مليانة عيوب طبعك قلابة

بتعيشي في دور إنك متسابة

أستاذة في التمثيل

واخدة شهادة وتوكيل

بتخبي وشوشك وبتتداري في وش غلابة

نساية

ناكرة الأيام الحلوة معايا

مش بنت أصول ولا فيكي مزايا

شخصياتك أنواع

هايلة في فن الأوجاع

وخلصت أنا منك آه خرجتك من جوايا

وأنا متبرعلك باللي ما بينا تعيشي عليه

شوفي يالا طريقك وامشي لوحدك كملي فيه

قلبي المكسور أنا هعرف أعالج نفسي أداويه

ولو اللي ما بينا في يوم جه في دماغك انسيه

شكاية

وكلامك كله كإنه رواية

بتألفي طبعا ألف حكاية

وبتعملي فيها ملاك

بتقولي مظلومة معاك

طب يالا يا مظلومة اتفضلي هرميكي ورايا

قويتك

وتعبت عشانك واستنيتك ودي غلطة عمري إني أنا حبيتك

أصل انتي متتأمنيش

إنسانة مابتحسيش

وأنا اللي غلطت عشان شوفتك تحت وعليتك

وأنا متبرعلك باللي ما بينا تعيشي عليه

شوفي يالا طريقك وامشي لوحدك كملي فيه

قلبي المكسور أنا هعرف أعالج نفسي اداويه

ولو اللي ما بينا في يوم جه في دماغك انسيه

شكاية

وكلامك كله كإنه رواية

بتألفي طبعا ألف حكاية

وبتعملي فيها ملاك

بتقولي مظلومة معاك

طب يالا يا مظلومة اتفضلي هرميكي ورايا

الجدير بالذكر أن الإعلامية نضال الأحمدية تكشف حقيقة عودة شيرين عبد الوهاب وحسام حبيب من جديد، بعد انفصالهم في أواخر عام 2023م،قالت الأحمدية، خلال مداخلة هاتفية ببرنامج «مع خيري» على قناة المحور،الذي يقدمه الإعلامي خيري رمضان،أمس:«الأخبار المتداولة بشأن عودة الفنانة شيرين عبد الوهاب وحسام حبيب من جديد، وليست غير مؤكدة».