بسمة وهبة: حبوا بلدكم مش كل ما حد يقول كلمة حلوة تقولوا "بيطبل"

طالبت الإعلامية بسمة وهبة، المصريين بأن يحبوا بلدهم، وذلك على هامش حديثها عن الحب في ليلة عيد الحب، قائلة: "بطلوا انتقاد، وبقيتوا تقولوا على اللي بيطلع يشكر أو بيقول كلمة حلوة عن حاجة حلوة بتحصل في البلد إنه بيطبل".

وأضافت "وهبة"، مقدمة برنامج "90 دقيقة"، عبر قناة "المحور": "أهل الشر الذين يقصدون ترويج الشائعات هم الذين اخترعوا هذه الكلمة والمتآمرين على ذلك، من يقول على شخص بيطبل فهو يمشي وراء القطيع".

وتابعت الإعلامية: "أهل الشر عاوزين يمسكوا الفزاعة عشان منقولش على حاجة كويسة في بلدنا أو على حد كويس، وللأسف مفيش دليل على حاجة من دي".