آمال ماهر: أصحابي وقرايبي كانوا بيقولولي ابعتي صوتك عشان نطمن إنك كويسة

استضاف الإعلامي عمرو أديب في مداخله هاتفيه المطربة آمال ماهر في حوار جمع بينهم بعد فترة من الغياب، وتحدث عن العديد من الأشياء وفترة غيابها.

 وقالت آمال عند سؤالها عن فترة غيابها:" أنا موجوده مش غايبه ولا حاجة، هي بس كانت فترة تعب جاتلى كورونا وده اللى خلانى اختفى عن الناس، لكن مفيش أي كلام من اللى اتقال حقيقي وفعلًا كل الكلام والشائعات ضايقتني".

وتابعت ‘امال’،:" أي حد بيجيله كورونا أكيد يختفي شخص تعبان، لكن شائعات خطف وتعذيب الموضوع كان مش بس بيضايقني، لكن يخلي أمي تزعل وأصحابي وقرايبي، دي الناس كانت بتسأل ابني هي مامتك كويسه لو قالهم أيوه كويسه كانوا بيكدبوا".

وعبرت آمال عن سعادتها بتطور المملكة العربية السعودية وموسم الرياض:" وقالت نجاح موسم الرياض ده نجاح لكل عربي، وسعيده جدًا  بتطور المملكة العربية السعودية وأكتر شئ عجبني هو أن المملكة بتجمع كل الفنانين في مكان واحد وناس كان مستحيل تتخيل انك تشوفهم في مكان واحد، فإن ده يحصل تطور كبير وفخر لأي عربي".