شادي شامل في تصريح صادم: الحلق معمول للرجالة مش للستات

أثار الفنان شادي شامل الجدل، بتصريحاته عن ارتداء الحلق، وذلك خلال تصريحات تلفزيونية في برنامج رؤيا مصر.

وقال شادي شامل: ممكن الفنانين يعملوا بوتوكس، ولكن لو عملية التجميل هتخلي شكلك وحش متعملهاش، أما بالنسبة للحلق موضة بلبسه في العروض الخاصة، لكن في البيت بلبس جلابيه عادي.

شادي شامل: الحلق معمول للرجالة مش للستات

وتابع: السر في انتشار موضة الحلق، هي إنها طول عمرها موضة بره ولما الناس بدأت تقرأ عرفت أن الحلق كان معمول للرجالة المحامين زمان، ولما عملت سيرش اكتشفت أن الحلقان دي للرجالة مش للستات.

وعن رأيه في الزواج قال: دلوقتي لازم الناس تخاف من الجواز لأن نسب الطلاق عالية وكله بقى يتجوز ويطلق ويرمي عياله.. وأنا ليا صحابي مبيحبوش يتجوزوا علشان بيشوفوا أصحابهم بيطلقوا كتير.

وعن مواصفات فتاة أحلامه، أوضح شادي شامل: لازم تكون إنسانة هادية ومحترمة، وعندها أصل والأصل ده مش بيتقاس بالفلوس، ولكن بالتربية، وتحترم جوزها، وتكون جميلة الرسول قال كده".