"مخلوقة عشانه".. لبلبة تكشف مدى علاقتها بالزعيم عادل إمام

تحدثت الفنانة لبلبة، على مدى علاقتها بالزعيم عادل إمام، وذلك بعد تعاونهم معا في العديد من الأعمال، والتي تجاوزت الـ 10.

وقالت الفنانة لبلبة في تصريحات تليفزيونية: «بكيت وقت تكريم عادل إمام، لأنهم جابوا مقتطفات من أعماله، والعينين دي عينين الأستاذ عادل، تضحك وتبكي، يديكي البؤس والغلبان والفرحان، هو فعلًا زعيم الفن وحبيبنا، عادل إمام ياخد قلبي، ولما أشوفه أبقى حاسه إني شايفة الفن كله».

لبلبة تكشف مدى علاقتها بالزعيم عادل إمام 

وأضافت: « أنا وعادل إمام عشرة طويلة هو توأم روحي وربنا خلقني علشانه .. وعملنا مسلسلين صاحب السعادة ومأمون وشركاه، أنا بعتبر كل مسلسل فيهم 5 أفلام، بنشتغل 7 شهور، وكل يوم مع بعض وبناكل ونفكر ونمثل مع بعض، أنا عاشرت سينمائيين والأستاذ عادل إمام أكتر ما عشت مع أهلي في بيتي».

وأردفت: «العشرة بيني وبين عادل كبيرة وبحس بيه وبعينيه وإمتى هيقول إيه، لا يمكن أبوظ له إفيه، وهو عارف أنا بحبه قد إيه وبخاف عليه قد إيه، وبعرف هو زعلان ولا مبسوط من مشيته في الطرقة بتاع الاستديو».