انفوجراف | أنا منكم وحاسس بظروفكم.. الرئيس السيسي في حديث من القلب للمصريين باحتفالية عيد الشرطة

 أنا مصري زيكم ومقدر ظروفكم وعارف إن الأسعار غالية

مصر أمانة في رقبة كل واحد فيكم وكل حاجة تهون إلا بلدنا

أى تحدى وصعوبات هتعدى لو وقفنا صف واحد مع بعض

أنا متابع كويس لارتفاع الأسعار وسيكون هناك ضبط للسوق

بسجل احترامي للمواطن الغلبان البسيط في ظل الظروف الصعبة

هروح من ربنا فين لو أنا السبب إني مدخلش لقمة عيش لغزة

أكد الرئيس عبد الفتاح السيسى، أننا نحتفل اليوم بالذكرى الثانية والسبعين لعيد الشرطة، ذلك اليوم الجليل، الذى وقف فيه أبطال من الشرطة المصرية الباسلة، ليدافعوا عن كرامة وعزة بلادهم فى الإسماعيلية، عام 1952 ويقدموا حياتهم ثمنا غاليًا من أجل كبرياء مصر الوطنى إدراكا منهم.. أن حماية أمن البلاد والمواطنين؛ غاية عليا لا تسمو فوقها غاية.

وقال الرئيس السيسي، رئيس خلال حديثه عن الأزمة الاقتصادية: "إحنا بناكل وبنشرب، وكل حاجة متوفرة، لكن غالية وإيه يعني كله يهون عشان البلدـ وشايفين البلاد جنبنا مش عارفين ندخلها أكل، شوية دقيق يعملوا عيش ياكلوه، إحنا كنا بنقدم 600 شاحنة، دلوقتي مش عارفين نقدم الكلام ده، وده بسبب تعنت الجانب الإسرائيلي".

أنا متابع كويس لارتفاع الأسعار وسيكون هناك ضبط للسوق

وتابع: إذا مكانتش الدولة المصرية بكل ما فيها يعملوا على إن مواردنا من التجارة تساوي أكتر أو تساوي إنفاقنا من الدولار هيكون دايمًا عندنا مشكلة وهي دي كل الحكاية.

وأضاف: “حد ممكن يقول الحكومة والدولة تضبط الموقف في الأسواق، طبعًا ليكم حق، لكن عاوز أقولكم اللي بتكلم عليهم دول مواطنين مصريين، لما أكون مصري، وعندي قدرة على الكسب، وأتصور إن المكسب المناسب يكون كفاية”.

وتابع: ده كلام مش بالخواطر تمشي الدول، الدول تمشي بالسياسات والقوانين والعمل، والأزمة اللي أحنا فيها ليها حلول أكيد، بس كلها بتعتمد علينا كلنا،  إحنا بنجيب عربيات بأربعة ونص مليار دولار في السنة، 2 مليار دولار موبايل في السنة، وإحنا بقينا 106 مليون وكل حاجة متوفرة.

هروح من ربنا فين لو أنا السبب إني مدخلش لقمة عيش لغزة

واسترسل: “أنا بتكلم معاكم بقلبي، من كام يوم قولت إن استقرار الدول، أمر لا تتحمله الحكومة ولا القيادة فقط، بل كل الشعب المصري، مسئول عن أمنها ومستقبلها واستقرارها وتقدمها”.

ونفى الرئيس السيسي الأنباء المتداولة بشأن تسبب مصر في ضعف الشاحنات التي تمر إلى قطاع غزة قائلا: “هروح من ربنا فين لو أنا السبب إني مدخلش لقمة عيش لغزة”، مؤكدًا أن معبر رفح من الجانب المصري مفتوح طوال أيام الأسبوع على مدار 24 ساعة منذ اندلاع الحرب لإدخال المساعدات.

بسجل احترامي للمواطن الغلبان البسيط في ظل الظروف الصعبة

أكد الرئيس عبد الفتاح السيسي، أن الأزمة الحالية لها حلول، متابعا: "الأزمة اللى احنا فيها دي لها حلول.. بس صدقونى حلولها تعتمد علينا.. احنا كنا بنستورد بـ 4.5 مليار دولار سيارات انت بتروح للبنوك والبنكك المركزي عاوز افتح علشان اجيب ده وده.. الدولة المصرية حاليا 106 مليون بالمناسبة ومطلوب توفرها كل شىء.. أولا أسجل احترامى للمصريين انا بحلف بالله.. بحلف بالله.. تقديري لهم.. وبقول للمواطن الغلبان والبسيط بسجل احترامي وتقديري للجميع". 

قال الرئيس عبد الفتاح السيسي، إن أحداث عام 2011 كانت تستهدف أنه يكون الشعب فى مكان والحكومة فى مكان آخر "ضد بعض"، متابعا: "يعنى يبقى احنا وانتوا.. يبقى الشعب فى مكان والحكومة فى مكان تانى.. الشعب فى مكان والداخلية فى مكان.. تقليب الرأى العام يقوم بدور سلبى ويحفز ويدفع ويسئ للأجهزة والدولة حتى يقوم الرأى العام مثل فى 2011.. واللى حصل للشرطة مش اقتحام سجون.. قعدنا نرمم العلاقة بين الشعب والشرطة والدولة سنتين تلاتة.. ولم يكن أمر يسير وسهل.. محتاج برامج ودعم وصبر".

ووجه رسالة للمصريين قائلا: "بقول الكلام لازم دايما صف واحد ومكان واحد وكتلة واحدة.. أى تحدى وصعوبات تعدى علينا ولو احنا مع بعض.. وممكن تعمل مشكلة كبيرة زى 25 يناير لو بقينا احنا واحد كلنا".