ارتجاج في المخ.. تطورات الحالة الصحية لـ فادي خفاجة بعد انقلاب سيارته

كشفت الفنانة منة جلال عن تعرض الفنان فادى خفاجة لحادث سير مروع أدى لانقلاب سيارته أثناء ظهوره في لايف على تيك توك.

وكتبت منة جلال: “يا جماعة اللي يعرف يوصل لفادى خفاجة الممثل كان لايف على التيك توك والعربية اتقلبت به وتليفونه فصل”.

تطورات الحالة الصحية لـ فادي خفاجة بعد انقلاب سيارته

وتم نقل الفنان فادى خفاجة على إثر الحادث إلى أحد المستشفيات الشهيرة بمدينة نصر وإصابته بارتجاج فى المخ وكسور فى أماكن متفرقة فى الجسد نتيجة انقلاب سيارته.  

قصة فيديو فادي خفاجة عبر تيك توك

كان قد اعتذر الفنان فادي خفاجة، عن ما نشره على السوشيال ميديا، قائلا:"انا كنت فاتح لايف وبهزر مع كل الناس".

وقال خفاجة، خلال مداخلة هاتفية مع الإعلامي تامر أمين، ببرنامج "آخر النهار"، المذاع على قناة "النهار" :" كنت في لحظة شعف وبرجوا الناس زي ما شايفين اني فنان يعرفوا أني انسان ولو رجع بيا الوقت مش هعمل الفيديو".

وتابع:"مش عارف انا عملت كده أزاي وانا بسعى بقالي كتير طول الوقت الناس بتقولي انت روحت فين، مش موجود من أيام ونيس، دلوقتي انا ولا فنان ولا انسان طبيعي وانا لو سبت الناس في حالي وقعدت لوحدي، مش هرتاح".

وأضاف:"كل الأساتذة الكبيرة اللي عملت معاهم شغل كانوا دايما بيشكروا فيا، وده اداني أمل وقدمت في المعهد العالي للفنون المسرحية واجتهدت فيه وبعدها اتخرجت وجبت تقدير كمان، كل ده فين دلوقتي، ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح".

وتسائل خفاجي:"انا مش عارف مبشتغلش ليه وعمري ما اتاخرت على معاد تصوير، أو ناقشت مخرج في الفلوس والأجر، أنا سعبت كتير وروحت قابلت مخرجين، بس الموضوع بقى صعب ولازم تاخد معاد قبلها وتحجز على الميل وانا مش عارف اظهر وسط كل النجوم الموجودين على الساحة".

جدير بالذكر أن الفنان فادي خفاجة ظهر على التيك توك، مستنكرا عدم عرض أعمال فنيه عليه، وقال :" اضطريت أدخل في جولات تيك توك لإني مش لاقي شغل والفنانة وفاء عامر حاولت كتير تجبني معاها في أعمال فنية لكن مفيش فايدة".