أول تعليق من أيمن بهجت قمر بعد انفصاله عن زوجته

علم موقع “بصراحة” أن الشاعر والسيناريست أيمن بهجت قمر انفصل عن زوجته إنجي عبد الحافظ منذ شهرين تقريبًا.

انفصال أيمن بهجت قمر عن زوجته 

وفي أول تعليق له على انفصاله عن زوجته إنچي عبدالحافظ، كتب الشاعر أيمن بهجت قمر، عبر حسابه الخاص على موقع التواصل الاجتماعي فيسبوك: «فيه خبر نازل فيه تلميحات بسبب أغنية معرفش حد بالاسم ده.. ياريت محدش يربط بين حياتي الشخصية والأغاني اللي بكتبها عشان فعلا الموضوع ده بقى بيضايقني من القريب والغريب وكل الاحترام لكل الناس».
وأضاف: «بالنسبة لأغنية المعنويات مرتفعة فيها جملة بتقول: مافيش خلاص حد له حاجة عندي.. حبيت اوضح برضه أن دي طبعا مالهاش علاقة بالناس اللي ليهم عندي فلوس، وسنة سعيدة على الكل».

مكالمة الزعيم وأيمن بهجت قمر 

وفي سياق أخر تحدث السيناريست والشاعر أيمن بهجت قمر عن مكالمته مع الزعيم عادل إمام في عيد ميلاده الـ 83 من تليفون صديقه مصطفى هريدي، مشيرًا أنه أوصى على صديقه بمكالمة الزعيم عند زيارته له.

قال السيناريست أيمن بهجت قمر عبر حسابه بموقع التواصل الاجتماعي فيسبوك: "طول اليوم عامل موبايلي سايلنت وقالبه على وشه عشان عندي شغل ومش عايز حاجة تشغلني وفجأة معرفش ليه قولت ابص كده لقيت مصطفى هريدي بيكلمني في نفس اللحظه من عند الاستاذ عادل امام عشان كنت موصيه لما يروح له يكلمني واسعدني الحظ اني اطمنت عليه وسمعت صوته".