"بستغرب كنت بعمل كده إزاي".. آخر كلمات سما المصري قبل دخولها السجن للمرة ثانية

حلت الفنانة سما المصري ضيفة على برنامج "قعدة ستات" تقديم المذيعة مروة صبري ويعرض على قناة “ألفا اليوم”، وأبدت ندمها خلال الحلقة على الفيديوهات التي نشرتها وتسببت في دخولها السجن لثلاث سنوات.

تصريحات سما المصري 

وتطرقت "سما" للحديث عن فترة حبسها خلال الفترة الماضية وعن معاناتها مع التجربة التي وصفتها بـ"القاسية"، وأنها تعلمت الكثير في تجربتها الأخيرة وكشفت عن تخلي أشخاص عنها في محنتها.

وعن تنفيذ عقوبة الحبس قالت سما المصري: "أنا مكنتش في السجن، أنا كنت في مركز تأهيل وإصلاح وكانت تجربة قاسية عليا جدًا لأن فترة العقوبة طويلة وأنا مش زعلانة أنا بعتبر أن ده صلح فيا حاجات كتير ووراني ناس على حقيقتهم عرفت مين بيحبني ومين كان بيعرفني عشاني أنا واللي وقفوا جنبي فاكراهم واللي اتخلوا عني برضه فاكراهم، كنت شاكة في ناس معينة من اللي كنت أعرفهم أن أنا لو وقعت في ضيقة مش هيقفوا جامبي واتأكدت بعد كده".

واستكملت: "وناس مكنتش متوقعة الحقيقة خالص انهم يسيبوني في ضيقتي وناس قليلة جدًا اللي وقفوا جنبي يعني".

آخر كلمات سما المصري قبل دخولها السجن للمرة ثانية

وتابعت: "أنا لما بفتح اتفرج بالصدفة وعندي على الانستجرام والفيس بفلتر الحاجات وبشيل الفيديوهات اللي كانت من النوعية دي صدقيني لما بتفرج على الفيديوهات دي أنا بستغرب أنا كنت بعمل كده ازاي وكان فيها حاجات أوفر أوي ومش عارفة كنت بعملها ازاي".

وأضافت: "إزاي أنا كنت بصور وانشر كده وعارفة إننا مجتمع شرقي وله عادات وتقاليد وكان في حاجات عادي تعدي وكان في حاجات أوفر وفي حاجات بتخض لما بشوفها مش مصدقة اني كنت بعمل كده فبمسحها بشيلها، وقررت ماعملش الفيديوهات دي تاني مش عشان الحبس عشان كتير منها مش حلوة ومكنتش في حاجة اني اعمل حاجات زي كده ويمكن أنا ساعتها مكنتش حاسها انها حاجات أوفر".