أول تعليق من حمو بيكا على هجوم حسن شاكوش بسبب سبوع ابنته

رد مطرب المهرجانات حمو بيكا على هجوم حسن شاكوش بسبب دم دعوته لحضور سبوع ابنته "تاج".

ونشر مطرب المهرجانات حمو بيكا فيديو عبر حسابه بموقع التواصل الاجتماعي Facebook، قال فيه: "حسن شاكوش زميلي وأخ ليا.. وبيقولوا عدوك ابن كارك، وأنا يا ابني مش عدوك، أنت أخويا وعلى دماغي".
وأضاف: "كلمتك كذا مرة تليفونك مقفول، وقابلت مدير أعمالك وقلتله بتصل بحسن وموبايله دايمًا مقفول، وقلتله إديله الدعوة، وقوله سبوع بنت أخوك يوم كذا".

أول تعليق من حمو بيكا على هجوم حسن شاكوش

وتابع: "طالما بلغت مدير أعمالك يبقى بلغتك، ولو كنت عاوز تيجي كنت جيت زي ما جيت فرحك".

وأضاف: "سواء جيت أو مجتش يا حسن كأنك جيت ونورتني وشرفتني، وفي فرحك هجيلك وهكون أول واحد واقف معاك علشان أنت مش عدوي، أنت أخ ليا، وعمر كمال عزمته وكلمته ومجاليش برضه هعمل إيه تاني".

أزمة جديدة بين حمو بيكا وحسن شاكوش 

عاتب حسن شاكوش مطرب المهرجانات حمو بيكا، بسبب عدم دعوته للمشاركة في عقيقة ابنته.

وظهر حسن شاكوش في لايف عبر حسابه الشخصي بموقع تبادل الصور والفيديوهات القصيرة “انستجرام”، وقال: حمو بيكا معزمنييش على عقيقة بنته، وأنا مبتحركش من مكاني غير لما أتعزم، وبيكا معاه تلفوني لو عزمني كنت رحت.

واستكمل شاكوش : حب الخير لغيرك عشان ربنا يكرمك، اوعى تكره لحد الخير، كلنا لينا أعداء وعدوك ابن كارك، مفيش حد هيكون عايزك أحسن منه، في ناس عندها غيرة شغل وغيرة شخصية، وأنا عمري ما غرت من حد لأن ثقتي في نفسي أكبر مما تتخيلوها، وفي ناس مجرد ما تديهم ضهرك يشتموك عشان أنت معبرتهمش، وربنا يدي كل واحد على قد نيته.