كاملة أبوذكري: اتجوزت مرتين واخترت غلط.. مشوفتش راجل حقيقي وضهر غير أبويا

أكدت المخرجة كاملة أبوذكري، أن الرجل الحقيقي الوحيد في حياتها كان والدها ثم شقيقها فقط.

وأضافت كاملة أبوذكري، خلال حوار ببرنامج «حبر سري»، مع الاعلامية اسما ابراهيم، على قناة القاهرة والناس،:قائلة: «الراجل الحقيقي اللي في حياتي أبويا وأخويا وغير كده مفيش، وممكن تبقى قوية في الشغل وضعيفة في الحب وأنا ست ضعيفة في الحب والحب كسرني».

وتبعت أنها وقعت في اختيارات خاطئة في حياتها، متابعة: «اختارت غلط قوي ومش ندمانة وكل حاجة تعلمت منها وكنت أتمنى أكون نجحت في حياتي الشخصية زي حياتي العملية ويكون في سند وضهر وونيس ولكن أخويا وبنتي وحفيدي هما حياتي».

وتابعت: «اتوجعت قوي من الحب وكان جواز وطلاق وكل حاجة بتعدي ومش هحب وارتبط تاني، وأنا اتجوزت مرتين مرة 3 سنوات ومرة 8 سنوات وتأثرت بها كثيرا لأنها كانت عشرة طويلة».