هيقولوا مين الرخيصة دي.. عمرو عبدالعزيز ينتقد نجمات الفن على الريد كاربت

انتقد الفنان عمرو عبدالعزيز، كل من يتعمد إرتداء الفساتين والملابس المثيرة وغير اللائقة على الريد كاربت (السجادة الحمراء).

وكتب عمرو عبد العزيز منشورا من خلال حسابه الرسمي على موقع فيسبوك، قائلاً: «نصيحه اخويه، يا حبيبه قلبي والله العظيم شغلك هو اللي بيتكلم عنك مش فستانك المفتوح لحد لوزك، للاسف انتي فاكره انك كده جامده خالص والله العظيم هما لو اتكلموا هيتكلموا عن فستانك الاوفر مش عليكي».

وأضاف: «الدليل ان اكبر نجمات مصر زي مني زكي و ياسمين عبد العزيز و هبه مجدي وغيرهم كتير بيروحوا بفستانين سواريه حلوه وشيك ومقفوله عااادي جدا».

وتابع: «بس انتي بعد ما تقفي ع الريد كاربت و تتصورى بكذا شكل و من كل الزوايا عشان تستعرضى الفستان العريان قوى الأوفر قوى ويصوروكى عشان يتكلموا بعد كده مش بيقولوا مين الفنانه دي.. لا.. بيقولوا مين الرخيصه دي».

واختتم حديثه: نصيحه اخويه، لما تروحى مهرجان وانتي مش معروفه أصلا لو اهتميتي بشغلك ربع ما بتهتمي بفستانك الأوفر صدقينى هتوصلى وهيتكلموا عنك بشياكة».