مبتحركش من مكاني غير لما أتعزم.. حسن شاكوش يعاتب حمو بيكا بسبب عقيقة ابنته

احتفل مطرب المهرجانات حمو بيكا،  بـ سبوع ابنته مساء أمس بإحدى قاعات الأفراح، وشهد الاحتفال حضور عدد كبير من الأهل والأصدقاء.

وفي ضوء ذلك، عاتب حسن شاكوش مطرب المهرجانات حمو بيكا، بسبب عدم دعوته للمشاركة في عقيقة ابنته.

وظهر حسن شاكوش في لايف عبر حسابه الشخصي بموقع تبادل الصور والفيديوهات القصيرة “انستجرام”، وقال: حمو بيكا معزمنييش على عقيقة بنته، وأنا مبتحركش من مكاني غير لما أتعزم، وبيكا معاه تلفوني لو عزمني كنت رحت.

أزمة جديدة بين حمو بيكا وحسن شاكوش 

واستكمل شاكوش : حب الخير لغيرك عشان ربنا يكرمك، اوعى تكره لحد الخير، كلنا لينا أعداء وعدوك ابن كارك، مفيش حد هيكون عايزك أحسن منه، في ناس عندها غيرة شغل وغيرة شخصية، وأنا عمري ما غرت من حد لأن ثقتي في نفسي أكبر مما تتخيلوها، وفي ناس مجرد ما تديهم ضهرك يشتموك عشان أنت معبرتهمش، وربنا يدي كل واحد على قد نيته.