.png "banquemisr")
أسما شريف منير في صورة جديدة بعد الطلاق: النهايات أخلاق مش إدعاء
شاركت أسما شريف منير،متابعيها عبر موقع تبادل الصور والفيديوهات «انستجرام»، بصورة جديدة.
وعلقت منير على الصورة قائلة: «دايماً لما اتنين بيسيبوا بعض كل واحد فيهم بيبقي عايز التاني يحس إنه تعبان من غيره، أو في حال أوحش، عشان يعرف يعدي و يقوم، هكدب عليكم لو قلتلكم محستش كده!! بس بما اني مركزه مع تجربتي المره دي عشان فعلاً عايزه اتعلم و أقوي بجد».
وتابعت منير: «قعدت أحلل الإحساس ده بكل تفاصيله لحد ما وصلت إن لو فعلاً الواحد في يوم حب إزاي ممكن يتمني لحد حاجة زي دي، إيه الأنانية دي؟ حتي لو اتأذيت ليه أوصل إني أتمني إن الشخص التاني يتعب عشان يحس بقيمتي!!».
وأكملت: «ده إحساس مؤذي و ده مش طبعي، فا هذبت نفسي ولومتها و قلت لنفسي إن لو ده اختبار من ربنا يبقي لازم الواحد يكون قده! مش كلام و خلاص، وتكون النهايات أخلاق مش إدعاء، لكل ست في نفس الموقف لو حسيتي بكده اقفي مع نفسك! وقفي نفسك، و غيري التفكير ده من جذوره و دعي الخلق للخالق».
اقرأ أيضا:ألغت متابعته وحذفت الصور.. هل انفصلت أسما شريف منير عن زوجها محمود حجازي؟
وأردفت منير: «ركزي في إزاي تقومي بطريقة صحية و اتمني لغيرك اللي تتمنيه لنفسك عشان {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} .. سامحي حتي لو مش انتي اللي غلطانه، إن الله غفور رحيم».
وأعلنت أسما شريف منير الاثنين الماضي انفصالها من زوجها الفنان محمود حجازي وقالت عبر خصية الاستوري بموقع «إنستجرام» قائلة:«ياريت بعد ازنكم تحترموا خصوصية الموقف، من غير شائعات ولا اجتهادات ولا اسئلة، محصلش نصيب وبكل احترام، ونقطة وربنا يكرمنا احنا الاتنين، بس كده مفيش أي تفاصيل تانية للصحافيين بعد ازنكم، احنا كان في بينا عشرة وعيش وملح فأكيد مش هنتكلم عن تفاصيل بيتنا».
جوجل نيوز
