فريدة سيف النصر: لو حد شالني وأنا نايمة مش هحس بيه

قالت الفنانة فريدة سيف النصر، أنها تفاجأت بأشخاص يتقاضون مبالغ مالية من أجل الوقوف ضد مصر، أو شخص يزايد على غيرة.

تصريحات الفنانة فريدة سيف النصر

وتابعت فريدة سيف النصر، خلال مداخلة تلفزيونية عبر برنامج «تفاصيل» للإعلامية نهال طايل، المذاع عبر فضائية صدى البلد 2، :«لما أنت عندك ملايين من الأجور متنزلش لحد علشان ينتجلك بكام مليون والأمثلة كتير.. أنا لما بهاجم حد ببقى عارفه أني مش هشتغل لكن مش فارق معايا».

واستكملت فريدة سيف النصر، حديثها قائلة أنها قامت بتركيب كاميرات حراسة بعد سرقتها من المنزل لأكثر من مرة، حيث تعرضت حقيبتها الخاصة للسرقة عدة مرات وأيضا اكسسوارات غالية الثمن وملابس باهظة الثمن.

وأختتمت فريدة سيف النصر حديثها قائلة : «أنا بتسرق وأنا نايمة لأني نومي تقيل.. يعني لو حد شالني وأنا نايمة مش هحس بيه، وقصة أن الفن حلال أو حرام في حاجه اسمها وسط وممكن الفنان يقول آه أو لأ على حسب إختياراته».

بسبب أحداث غزة.. فريدة سيف النصر تفقد 14 كيلو من وزنها
 

وفي وقت سابق، كشفت الفنانة فريدة سيف النصر، سبب فقدانها الوزن بشكل كبير خلال الفترة الماضية، مؤكدة أنها فقدت 14 كيلو من وزنها بسبب تأثرها بـ أحداث غزة.

حسابها الشخصي بموقع التواصل الاجتماعي فيسبوك

وكتبت فريدة سيف النصر، عبر حسابها الشخصي بموقع التواصل الاجتماعي فيسبوك: اللي بيسألوني خسيتي إزاي مش هتصدقوا، قسمًا بالله بس من 9 أكتوبر اللي فشلت فيه سنين بييجي لوحده ومستمر.

أحداث غزة

وأضافت: كل ما أشوف كل يوم أطفال غزة جعانين أو مستشهدين والدم، أجي أحط الأكل أبكي والله وماقدرش أشوف الدم، نفس الحالة الطفل اللي مات وفي إيده كرواسون حد إداهاله مالحقش يأكل قطمة يا قلبي.

أطفال اتيتموا واللي بينده على أبوه أو أمه 

وتابعت: الست اللي بتصرخ وتقول ماتوا جعانين وعطشانين.. واللي بتنده على رضيعها قوم يا قلبي راح يجي اللبن وترضع.. قسمًا بالله معدتي هي اللي رفضت يا دوب لقمتين وأقف.. دي طبيعتي أزعل كنت أكل كتير.. لكن المرة دي مختلفة صوت وصورة ومأساة حقيقية، أب بيجري لولاده ميتين.. وأم بتصوت فقدتهم كلهم.. وأطفال اتيتموا واللي بينده على أبوه أو أمه وصور الأطفال بحيواناتهم وطيورهم، البنت اللي بتجري وشايله قطتها.. والولد اللي مات حاضن كلبه.

إصابة ابنة شقيقها بالسرطان

وكشفت فريدة سيف النصر، عن إصابة ابنة شقيقها بالسرطان، قائلة: ده غير حبيبتي بنت أخويا كانسر ما بتكلش وإن أكلت ترجعه.. أنا مش عارفة أتصرف إزاي والله.. عمومًا لو فكرتي أن الأكل الزيادة ده توزعيه على ناس نفسها فيه يبقي كتر خيرك والحمد لله على نعمة الإحساس بس من غير ألم معدة يا رب.

واستكملت: من ساعة الأحداث 14 كيلو؟ ربنا يستر حقيقي معدتي وجعاني ورافضه.. يا رب حلها من عندك وارحمهم واخسف الأرض بصهيوني سفاح الحياة.