ريهام سعيد تهاجم بيومي فؤاد: احترمت جمهور مسرحية ومحترمتش الفلسطينيين ليه؟

تصدر الفنان بيومي فؤاد، تريند مواقع التواصل الاجتماعي، “فيسبوك”، وذلك بعد هجومه على الفنان محمد سلام، على مسرح موسم الرياض، بعد اعتذار محمد سلام عن المشاركة دعما للأشقاء الفلسطينيين.

وهاجم عدد من نجوم الفن والإعلام، بيومي فؤاد بعد هجومه على محمد سلام، ومن أبرزهم الإعلامية ريهام سعيد.

ريهام سعيد تهاجم بيومي فؤاد 

ووجهت الإعلامية ريهام سعيد رسالة إلى الفنان بيومي فؤاد، بعد هجومه على محمد سلام في مسرحية “زواج اصطناعي”، وذلك خلال تقديمها برنامج "صبايا الشمس" المذاع عبر قناة الشمس.

وقالت ريهام سعيد: "ما ينفعش تنتقد محمد سلام لإن موقفه موقف محترم، ومينفعش تغلط في اللي عمل الصح".

وتابعت: “بيومي فؤاد قال كلام مستفز، وأنا وضعي صعب لإن بطاقتي مكتوب فيها ممثلة، لكن إنت كده ضحكت على نفسك يا بيومي، والشعب السعودي على راسنا من فوق، إيه دخل ده في إنك رايح تقدم مسرحية تضحك؟ كلنا لنا الشرف نتصور مع السعودي والإماراتي واللبناني”.

بيومي فؤاد يهاجم محمد سلام 

وأضافت:" إيه دخل ده في إن كان في مستشفى بينضرب وناس بتموت والدم سايح في كل حتة؟ إنت رايح تضحك بدليل إنك فنان كوميدي، وبدلت محمد سلام بكوميديان هو محمد أنور، وناس كتير شايفة مكانش يصح تضحك في الوقت ده، والأسبوع اللي محمد سلام إتكلم فيه كان وضع صعب جدا وما زال".

واسترسلت: "يعني إنت احترمت ناس دفعت تذاكر علشان تروح مسرحية، ومش محترم الفلسطينيين ليه؟ 2 مليون ونص فلسطيني بيتقطعوا حتت مش محترمهم ليه ومش محترم شعورهم؟".

واختتمت: "الفن لو مش هيقوم على إننا نحس بالناس، ولو الفنان معندوش إحساس بالآخرين يبقى مش فنان".