"جايين نقدم فن إحنا مش بتوع فلوس".. النص الكامل لهجوم بيومي فؤاد على محمد سلام

 بيومي فؤاد، تصدر  التريند عبر موقع "إكس"، وذلك بعد تداول تصريح له عن أنه السبب وراء استبعاد الفنان محمد سلام، من مسرحية "زواج اصطناعي" المعروضة ضمن موسم الرياض، في السعودية، وخرج بيومي، على جمهوره في نهاية عرض المسرحية مساء أمس ليوضح موقفه من الفيديو المنتشر لمحمد سلام بشكل واضح وصريح، وهو الفيديو الذي اعتذر فيه محمد سلام عن بطولة المسرحية، وقال فيه إنه لا يتخيل نفسه يرقص ويضحك في العرض المسرحي ومئات الأطفال والنساء يتم قتلهم في غزة.

مش من حقك تغلط في فنك 

وفي كلمته التي صورها الجمهور، ونشرها على مواقع التواصل الاجتماعي قال بيومي فؤاد: “من حقك تعتذر عن المسرحية، بس مش من حقك إنك تغلط في فنك، إحنا ما بنجيش علشان نضحك حضراتكم، إحنا بنقدم فن، فن مصري، وأنتم بتحترمونا وإحنا بنحترمكم جدا.. أنا وكل زملائي دول إحنا بنحبكم وهنفضل طول عمرنا نحترمكم.. كتر خيركم.. إحنا بنتعب وبنقدم فن مش عشان نيجي نضحك.. لو الموضوع كدة يبقى فيه فنانين من أيام نجيب الريحاني لغاية محمد أنور المفروض ينتحروا”.

وأكمل بيومي كلامه منفعلا:" إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده".

بيومي فؤاد يهاجم محمد سلام

وانتقد بيومي زميله محمد سلام، الذي اعتذر في اللحظات الأخيرة عن المشاركة في المسرحية، قائلًا: "من حقك تعتذر عن المسرحية، بس مش من حقك إنك تغلط في فنك".

وأشاد بيومي بالفنان محمد أنور الذي حلَّ بديلًا لسلام في المسرحية، قائلًا: "وهنا هحاول أخفف على رجل أنقذ موقف وكان رجل قدها اسمه محمد أنور".