محمد مختار: رانيا يوسف مش نجمة صف أول ولسه بدري عليها

قام المنتج محمد مختار، بالتعليق على تصريحات طليقته الفنانة رانيا يوسف، بأنها أصبحت من نجمات الصف الأول بعدما انفصلت عنه، بجانب تعليقه على تصريحات ابنته نانسي، والتي أكدت إنها لا تريد أي مساعدة من والدها.

وقال محمد مختار في تصريحات تلفزيونية، عن تصريحات رانيا يوسف: من حقها تقول أي حاجة، ويارب تبقى من نجوم الصف الأول أنا أتمنى، ولكن هي لسة مش نجمة صف أول، ده موضوع كبير أوي زي منى زكي وياسمين عبد العزيز وهند صبري، ربنا يوفقها وتبقى من نجوم صف أول.

أما عن تصريحات ابنته نانسي، فعلق محمد مختار قائلًا: أنا بلوم على والدتها في حاجة إن لو في حاجة مش متفقين عليها، متستعملش نانسي في حاجة زي كده، ودي تاني مرة نانسي بتغلط في حاجات زي ما لبستها فستان عليه مشاكل في مهرجانات، ودي حاجات مش لطيفة.

وتابع محمد مختار: أنا منفصل عن رانيا يوسف بقالي 14 سنة وبعيد كل البُعد، أنا راجل مرتبط وسعيد في حياتي جدًا ودلوقتي أحلى سنين عمري.