يوسف فوزي:"تنبأت بإصابتي بشلل الرعاش.. وأمنيتي اصلي الفجر

يوسف فوزي: أسرتي رفضت دخولي الفن

قال الفنان يوسف فوزي، إن أسرته كانت ترفض دخوله مجال الفن، موضحا أنه حقق 80% من أحلامه خلال مشواره الفني.

يوسف فوزي: فريد شوقي حضني من أول مشهد عملته

وأضاف فوزي، خلال تقديم برنامج "تفاصيل"، المذاع على قناة "صدى البلد2":" مثلت من غير ما يعرفوا وكنت محظوظ أنى بدأت مع عمالقة الشاشة، وأول عمل فني ليا كان مع الفنان الكبير الراحل فريد شوقي، في فيلم وحوش المنيا".

وتابع عن لقائه مع يوسف فوزي، :"لما شافني في اللوكيشن خدني في حضنه، وقالي حب المهنة دي وهي هتحبك أكيد، انا روحت استديو مصر لنيازي مصطفى الله يرحمه، وقولت له أنا عاوز أمثل ودي كانت رغبتي قالي انت شكلك مطلوب".

يوسف فوزي: نفسي اكمل تمثيل

واستكمل:"كان نفسي اكمل تمثيل، بس صحتي كانت احسن من كده، اسرتي مكنتش بتشجعني وكان اهم حاجة عندهم الشهادة الجامعية قبل أي حاجة، ووالدتي كانت بريطانية واتجوزت والدي في مصر وهي ممثلة عظيمة ومثلت في إنجلترا مسرحيات كتير".

وأكد فوزي أنه حزين على وفاة الفنانة رجاء الجداوي حتى الآن، قائلا:"عقلي لحد دلوقتي مش مستوعب انها ماتت".

يوسف فوزي: نفسي اصلي الفجر

وعن مرضه، أوضح:"مش قادر اصلي بسبب النسيان، وبواجه المرض لوحدي، وبقالي 28 سنة بصلي وبدعي ربنا دلوقتي يقدرني واصلي الفجر الفترة الجاية، المشكلة كمان أني بنسى أيات من القرآن في الصلاة وبتوه في سورة الإخلاص".

وأشار فوزي إلى أنه تنبأ بإصابته بشلل الرعاش خلال تصويره مسلسل أوبرا عايدة، موضحا أنه حزين بسبب عدم سؤال محمود حميدة عنه.

وكشف فوزي إلى رسالة الفنان أحمد زكي له، :"أحمد زكي قالي هتكون زي رشدي أباظة في يوم من الأيام".