قال الإعلامي عمرو أديب تعليقا على تحريك السفينة الجانحة بقناة السويس: "أيوة كدة علشان الناس تبطل تريقة علينا، السفينة ده كانت كابوس على صدري، وكل شوية إيه اللى حصل".

وأضاف خلال برنامج "الحكاية" المذاع على فضائية "أم بى سى مصر": "أهم لقطة كانت فى أزمة السفينة خبر عودة السفينة بعد تحريكها لمكانها مرة أخرى، وأنا شوفت نوعين من البشر الأول كان عمال يقول يارب، والثاني كان شمتان، ودول الوجوه السوداء التي كانت مجبرة على الضحك والفرحة معنا بخروج السفينة ولكن ربنا وقدرته".

وأوضح: "السفينة كانت بتجري فى المجرى زي القرموط فى المية، هناك ناس بتحب البلد بجد، يا جماعة دي مصر.. الناس تنفست والسفينة كانت حجر على صدر البلد، والناس كلها كانت خايفة على البلد".