تصدرتأميمة بدريمراسلة شبكة قنوات DMC، مؤشرات البحث جوجل ومواقع التواصل الاجتماعي في الساعات الأخيرة بعد إعلان فقدانها النطق بسبب مرورها بحالها نفسية سيئة.
حيث بدأت القصة عندما نشرت أميمة، مقطع فيديو لها عبر حسابها الشخصي بموقع التواصل الاجتماعي فيسبوك، قالت فيه:شكرًا لكل حد بيسأل وبيطمن عليا بس ده حالي وصوتي طلع حبه الصبح ومكنش في أي صوت ولا حركة في شفايفي.
وأضافت: لسه تعبانة فمش عارفة ولا قادرة اتواصل معاكم قولت اطمنكم بحالي هنا أسهل.. دعواتكم والحمد لله على كل شئ،وآسفة لكل حد بيسأل وبيطمن عليا بس مش عارفه أرد ادعولي أكون كويسة.
وكشفت أميمية عن سبب فقدان النطق، قائلة: اللي حصلي بسبب إني زعلت جامد ادعولي دعوة صادقة أنا محتاجة لدعواتكم وشكرا لكل اللي بيكلمني بس حرفيا مش قادرة من الصدمة.
واستكملت: أنا دكتور كتبلي أدوية وقالي لازم ارتاح تماما وخلال ٣ أيام لو مش اتحسنت ورجعت اتكلم هتابع مع دكتور أعصاب واعمل جلسات كهرباء لأعرف أتحسن.
وأضافت: ادعولي اعرف انطق تاني وارجع لحياتي أنا نفسيا مش أحسن حاجة دعواتكم وشكرا للتواصل معايا ولكل واحد حاول يكلمني ويساعدني وشكرا للي جالي البيت ووداني المستشفي دعواتكم، الحمد لله رب العالمين على كل حاجة حصلت ليا أنا بكتب وأنا مش قادرة أطمنكم أنا روحت المستشفي وعملت الأشعة المقطعية على المخ الحمد لله مفيش جلطه بس للأسف فقدت النطق.