كشفت فتاة تدعى “إسراء علاء” من محافظة القاهرة عن تعرضها للتحرش من قبل شاب داخل المواصلات.
وكتبت إسراء عبر حسابها الرسمي بموقع التواصل الاجتماعي “فيسبوك” تفاصيل الواقعة، فقالت :”النهارده و انا مروحه و كالعاده راكبه الباص لسوء الحظ في واحد قعد في الكرسي اللي ورايا و كالعاده اني بحط الايربود في وداني عشان افصل و لاكن و انا بشيل الايربود عشان قربت ع البيت اتفاجئ باخينا ده حطت أيده علي رجلي من الجنب”.
وتابعت :”و حقيقي من كتر ما ايدو خفيفه زي الحرميه انا مكنتش حسه و بجد انا مبسوطه اوي انك هتدخل البيت علي اهلك انهارده و في بنت مروقاك و اتمني اللي عملته فيك انهارده يبقي عبره ( ده دمه )، كان نفسي الصوره بجد بس للاسف خد البوكس و نزل يجري و ملحقنهوش”.
وأضافت :” رساله حبه اوصلها لكل بنت طول مانتي صاحبه حق اوعي تخافي من اي حاجه و ربنا يسترها علينا كلنا،( كل الناس اللي بتسأل هل ده سلاح ولا لاء )، اولا ده لا يندرج تحت مسمي سلاح لانه ببساطه خاتم عادي كمان الخاتم مش حاد خالص و انا بلبسه اكسسوري عادي بس انا مدربه و بلعب بوكس فا في حاجه اسمها نقط ضعف و بكل بساطه انا ضربته في مناخيره و ده كان سبب النزيف مش الخاتم خالص “.